దేశ వ్యాప్తంగా వారం రోజుల పాటు భారీ వర్షాలు (Heavy Rains) పడతాయని వాతావరణ శాఖ (weather Department) వెల్లడించింది. కొన్ని రాష్ట్రాల్లో ఉరుములు, మెరుపులతో కూడిన వర్షాలు కురుస్తాయని, ప్రజలు అప్రమత్తంగా ఉండాలని తెలిపింది. తాజాగా ఓ పాఠశాలపై పిడుగు పడి (Lightning strike) 17 మందికి తీవ్ర గాయాలయ్యాయి. ఈ దారుణ ఘటన ఒడిశా(Odisha)లోని కేంద్రపడ జిల్లాలో చోటుచేసుకుంది.
చదవండి: Corona: మళ్లీ కరోనా టెన్షన్.. గత 28 రోజుల్లో భారీగా కొత్త కేసులు నమోదు
రాష్ట్రంలోని గరద్‌పూర్ పాఠశాల (Garadpoor)పై పిడుగు పడింది. విద్యార్థులు తమ తరగతి గది నుంచి బయటకు వస్తున్నప్పుడు పిడుగు పడటం(Lightning strike)తో 17 మంది విద్యార్థులకు తీవ్రంగా గాయాలయ్యాయి. దీంతో వారిని హుటాహుటిన స్థానికులు ఆస్పత్రికి తరలించారు. బాధిత విద్యార్థులంతా కూడా 6, 7వ తరగతికి చెందిన వారిగా ఉపాధ్యాయులు వెల్లడించారు.
చదవండి: Mysterious creature: 20 చేతులతో ఉన్న వింత జీవి..ఫొటో వైరల్
గాయపడిన 17 మంది విద్యార్థులలో 9 మంది పరిస్థితి విషమంగా ఉన్నట్లు పోలీసులు తెలిపారు. మెరుగైన చికిత్స కోసం వారిని కేంద్రపడ జిల్లా ప్రధాన ఆరోగ్య కేంద్రానికి తరలించామని వెల్లడించారు. ఇద్దరి పరిస్థి అత్యంత విషమంగా ఉందన్నారు. ఈ ఘటనపై బాధిత విద్యార్థుల తల్లిదండ్రులు ఆందోళన చెందుతున్నారు.
