Smriti Irani: కోట్లు ఇస్తానాన్న ఆ యాడ్స్ లో నటించనని చెప్పా.. స్మృతి ఇరానీ

Smriti Irani told me that I will not act in those ads that will give me money

కేంద్ర కేబినేట్ మంత్రి(Union Cabinet Minister) స్మృతి ఇరానీ(Smriti Irani) పరిచయం అవసరం లేని వ్యక్తి. రాజకీయాల్లోకి రాకముందు బుల్లితెర నటిగా పలు సిరీయల్స్ లో నటించి ప్రేక్షకులను అలరించారు స్మృతి ఇరానీ(Smriti Irani). ఇటీవల ఓ టీవీ ఇంటర్వ్యూలో పాల్గొన్న ఈమె ఎన్నో విషయాలతో పాటు ఒక ఇంట్రెస్టింగ్ విషయాన్ని పంచుకున్నారు. సీరియల్స్‌లో యాక్ట్‌ చేసిన రోజుల్లో తనకు ఒక పెద్ద ఆఫర్ వచ్చిందని, అయితే తన మనసుకు నచ్చని పనిని ఎప్పటికీ చేయకూడదు అని ఏనాడో నిర్ణయించుకోవడం వలన ఆ ఆఫర్ ను సున్నితంగా తిరస్కరించినట్లు తెలిపారు.

చదవండి:David Warner: థ్రెడ్స్ యాప్ లోకి వార్నర్… పాట్ కమ్మిన్స్ ఫన్ని కామెంట్స్

బుల్లితెరలో సిరియల్స్ చేస్తున్న రోజుల్లో తన దగ్గర పెద్దగా డబ్బులు ఉండేవి కావని గుర్తు చేసుకున్నారు. తన బ్యాంక్ ఖాతాలో కనీసం ఒక
రూ. 30 వేలు కూడా ఉండేవి కావని చెప్పుకొచ్చారు. అయితే తన పెళ్లైన కొత్తలో ఒక బ్యాంక్‌ నుంచి రూ.25 లక్షలు లోన్‌ తీసుకుని ఒక ఇంటిని కొనుగోలు చేశామని. దానికి ప్రతి నెలా ఈఎంఐలు కట్టేవాళ్లమని, అది ఎంతో కష్టంగా ఉండేది అని చెప్పారు. అలాంటి సమయంలో తాను టీవీ సిరియల్స్ ద్వారా పాపులర్ కావడంతో పలు కాంపనీలు తమ ప్రొడక్ట్స్ కు ప్రమోట్ చేయావల్సిందిగా స్మృతిని సంప్రదించేవారని తెలిపారు. ఆ టైమ్ లోనే ఒక పాన్ మసాలా యాడ్ లో నటించమని అందుకు కోట్లల్లో డబ్బులు ఇస్తామని అగ్రిమెంట్ చేయాల్సింది ఒక కంపెనీ వారు తనను సంప్రదించారట. కానీ దానికి స్మృతి ఇరానీ ఒప్పుకోలేదు. చాలా మంది నీకు ఏమైనా పిచ్చా.. అంత డబ్బు ఇస్తుంటే వద్దంటావా అని చాలా మంది ఆమెను అన్నారట. అయిన సరే తాను మాత్రం మనసు మార్చుకోలేదట.

అయితే ఆ యాడ్‌ను అంగీకరించకపోవడానికి ఓ బలమైన కారణం ఉందని ఆమె చెప్పుకొచ్చారు. ఆ సమయంలో టీవీ ప్రేక్షకులందరూ తనను కుటుంబ సభ్యురాలిగా భావించేవారని, అలాంటప్పుడు ఇలాంటి యాడ్స్ లో నటిస్తే తాను డబ్బుకోసమే చేసిందని అందరూ భావిస్తారు. అదీ కాక చిన్న పిల్లలు ఆ యాడ్స్ చూస్తే ప్రమాదం ఉన్నట్లు తెలిపారు. అందుకే తాను పాన్ మసాలా, ఆల్కహాల్ కంపెనీలకు చెందిన ఏ ప్రకటనలు చేయాలేదని చెప్పారు.

చదవండి:Mumbai: 90 అడుగులు, 6 టన్నుల ఇనుప వంతెన మాయం