క్యాన్సర్(Cancer) సోకినవారికి కొన్ని రకాల లక్షణాల ద్వారా వారికి జబ్బు సోకిందని గుర్తిస్తాం. అయితే, ఎలాంటి లక్షణాలు కనపడకముందే, ఈ రక్త పరీక్ష ద్వారా క్యాన్సర్ ని గుర్తించవచ్చట. తద్వారా వాటికి చికిత్స చేయటం, నయం చేయటం సులభమవుతుందని నిపుణులు ఆశిస్తున్నారు. ఈ పరీక్షలో క్యాన్సర్ ఉన్నట్లు గుర్తించిన ఫలితాల్లో 99 శాతం పైగా కచ్చితత్వం ఉందని ఈ రక్త పరీక్షను అభివృద్ధి చేసిన శాస్త్రవేత్తల బృందం తెలిపింది. డాక్టర్లు ఈ పరీక్షలను రోగుల మీద ప్రయోగాత్మకంగా ఉపయోగిస్తున్నారని.. వీటిపై మరింత అధ్యయనం అవసరమని ఆనల్స్ ఆఫ్ ఆంకాలజీ వెల్లడించింది. ప్రయోగాల ఫలితాలను బట్టి.. వ్యాధి ప్రారంభ దశల్లో కన్నా గానీ వ్యాధి ముదిరినప్పుడు మరింత మెరుగ్గా గుర్తిస్తున్నట్లు కనిపిస్తోంది. దీనివల్ల ఈ పరీక్షల ఉపయోగానికి పరిమితులు ఉండవచ్చు.
చదవండి: Health Tips: మద్యం తాగే అలవాటు ఉందా..? మీ మజిల్స్ జర భద్రం..!
పరిశోధనలో, 18 ఏళ్లు, అంతకంటే ఎక్కువ వయస్సు ఉన్న దాదాపు 6,238 మంది రోగులపై ఈ పరీక్షలు చేశారు. వారు స్త్రీ జననేంద్రియ, ఊపిరితిత్తులు, దిగువ GI లేదా ఎగువ GI క్యాన్సర్(Cancer)కు సంబంధించిన అనుమానాస్పద లక్షణాలను పరిశోధించడానికి అత్యవసర ఇమేజింగ్, ఎండోస్కోపీ లేదా ఇతర రోగనిర్ధారణ పద్ధతుల కోసం సూచించారు. ఈ రక్త పరీక్షను తయారు చేసిన గ్రెయిల్ అనే సంస్థ ఈ అధ్యయనానికి నిధులు సమకూర్చింది.‘‘మొత్తం జనాభాకు ఏవైనా క్యాన్సర్లు ఉన్నాయేమో ప్రాథమిక తనిఖీ కోసం ఉపయోగపడే లక్షణాలు ఈ రక్త పరీక్షకు ఉన్నట్లు కనిపిస్తోంది’’ అని ఈ పరిశోధన బృంద సారథుల్లో ఒకరైన ప్రొఫెసర్ జెఫ్ ఆక్స్‌నార్డ్ పేర్కొన్నారు.
చదవండి: Drink coffee and tea: పరగడుపున కాఫీ, టీ తాగితే ఏమౌతుంది?
‘‘ఇటువంటి పరీక్ష ఎప్పుడు ఉపయోగంలోకి వస్తుందని అందరూ అడుగుతున్నారు. వేలాది మంది రోగుల మీద వైద్య పరంగా విజయవంతమైన ఫలితాలు ఇవ్వటంతో ఈ పరీక్షను పరిమితంగా వైద్య ప్రయోగాలకు అందించాం’’ అని ఆయన తెలిపారు. ఈ రక్త పరీక్షను సాధారణ వాడుకలోకి తెచ్చే ముందు.. వాటి ఫలితాలను మరింత లోతుగా అర్థం చేసుకోవటానికి తాజా వైద్య ప్రయోగాల ఫలితాలను చూడాల్సి ఉంటుందన్నారు.
