narendra modi
ModiAt9:ప్రధానిగా నరేంద్ర మోదీ పదవీకాలం తొమ్మిది సంవత్సరాలు పూర్తయింది. తన తొమ్మిదేళ్ల ప్రయాణంలో, మహిళల హక్కులు, రక్షణకు ప్రాధాన్యత కల్పించారు. 2014లో ప్రధాని మోడీ(PM modi) అధికారంలోకి వచ్చిన తర్వాత మహిళల భద్రత(safety of women) కోసం అనేక చట్టాలను రూపొందించారు… అంతే కాకుండా అవసరాన్ని బట్టి అనేక చట్టాలను సవరించారు.
ఈ జాబితాలో మొదటిది క్రిమినల్ లా (సవరణ) చట్టం, 2013 : ఈ చట్టం మోడీ ప్రధానమంత్రి కాకముందు ఆమోదించబడింది, అయితే తరువాత అనేక ముఖ్యమైన మార్పులు చేయబడ్డాయి. అత్యాచారం, లైంగిక వేధింపులు, అక్రమ రవాణా వంటి నేరాల కోసం రూపొందించిన చట్టాన్ని సవరిస్తూ, యాసిడ్ దాడి, వేటాడటం, వోయూరిజం వంటి కొత్త నేరాలను ఇందులో చేర్చారు.
చదవండి:Manipur: మణిపూర్‌లో ఆగని హింస పోలీసులతో సహా ఐదుగురు మృతి, వందలాది ఇళ్లకు నిప్పు
మెటర్నిటీ బెనిఫిట్ (సవరణ) చట్టం 2017: ఈ చట్టం ద్వారా ప్రసూతి సెలవుల వ్యవధిని 12 వారాల నుండి 26 వారాలకు పెంచారు. తద్వారా మహిళలు కోలుకోవడానికి, నవజాత శిశువు సంరక్షణకు ఎక్కువ సమయం పొందవచ్చు. ఇది కాకుండా నిర్దిష్ట సంఖ్యలో ఉద్యోగులు ఉన్న సంస్థల్లో వర్క్ ఫ్రమ్ హోమ్ ఆప్షన్, క్రెష్ సౌకర్యాల కోసం నిబంధనలు కూడా ప్రవేశపెట్టబడ్డాయి.
మానవ అక్రమ రవాణా (నివారణ, రక్షణ, పునరావాసం) బిల్లు, 2018: ఈ బిల్లును 2018 సంవత్సరంలో పార్లమెంటు(Parliament) ఆమోదించింది. మానవ అక్రమ రవాణా, ముఖ్యంగా మహిళలు, పిల్లల అక్రమ రవాణా(Human Trafficking)ను అరికట్టడం దీని ఉద్దేశ్యం. ఇందులో ప్రొటెక్షన్ హోమ్, రిహాబిలిటేషన్ మేజర్. నేరస్తులకు కఠిన శిక్ష విధించే నిబంధన కూడా ఉంది.
చదవండి:Shaakuntalam : 4 అవార్డులు అందుకున్న ‘శాకుంతలం’ టీమ్
ముస్లిం మహిళలు (వివాహంపై హక్కుల పరిరక్షణ) చట్టం, 2019: దీనిని ట్రిపుల్ తలాక్ బిల్లు అని కూడా అంటారు. ఈ చట్టం భారతదేశంలోని ముస్లింలలో ట్రిపుల్ తలాక్ (తలాక్-ఎ-బిద్దత్) ఆచారాన్ని నేరంగా పరిగణించింది. ముస్లిం మహిళల హక్కులను పరిరక్షించడం.. మూడుసార్లు తలాక్ చెప్పడం ద్వారా ఏకపక్ష విడాకులను నిరోధించడం దీని ఉద్దేశ్యం. ఇందులో రాతపూర్వకంగానూ, ఎలక్ట్రానిక్ రూపంలోనూ తలాక్ చెప్పడం కూడా చట్టవిరుద్ధం.
క్రిమినల్ లా (సవరణ) చట్టం 2018: ఈ చట్టం ద్వారా, 12 సంవత్సరాల కంటే తక్కువ వయస్సు ఉన్న బాలికలపై అత్యాచారానికి మరణశిక్షను ప్రవేశపెట్టారు. అత్యాచారానికి కనీస శిక్షను 20 సంవత్సరాలకు పెంచారు. ఇది కాకుండా, అత్యాచార కేసుల విచారణ, పరిష్కారాన్ని వేగవంతం చేయడానికి ఫాస్ట్ ట్రాక్ కోర్టులను కూడా ఏర్పాటు చేశారు.
