Plane Emergency Door Open: ప్రపంచంలో ఎక్కడికైనా ప్రయాణించడం ఇప్పుడు చాలా సులభం అయిపోయింది. విమానాలు(Flights) ప్రయాణాన్ని మరింత సులభతరం చేశాయి. ప్రపంచంలోని ఒక నగరం నుండి మరొక నగరానికి గంటల వ్యవధిలో వెళ్లవచ్చు. అయితే విమానంలో ప్రయాణిస్తున్నప్పుడు చావును పరిచయం చేసిన ఘటన కొందరికి తలెత్తింది. గాలి(Air)లో ఉండగానే విమానం తలుపు తెరుచుకుంది. ఇది శుక్రవారం దక్షిణ కొరియా(south korea)లో జరిగింది. ఇది జరిగినప్పుడు ఆ విమానంలోని ప్రయాణికులు స్తంభించి పోయారు.
వివరాల్లోకి వెళితే.. విమానం గాలిలో ఉన్నప్పుడు, ఒక ప్రయాణీకుడు అత్యవసర ద్వారం(emergency door) లివర్‌(Liver)ను నొక్కాడు. వెంటనే గేటు తెరిచింది. ఈ మొత్తం ఘటనకు సంబంధించిన వీడియో కూడా తెరపైకి రావడం విస్మయానికి గురిచేస్తోంది. జనం తమ సీట్లను గట్టిగా పట్టుకుని కూర్చున్నట్లు వీడియోలో చూడవచ్చు. విమానంలో కూర్చున్న వ్యక్తులు కూడా అరుపులు, కేకలు వేయడం కనిపించింది. పిల్లల అరుపులు కూడా వినిపిస్తున్నాయి. ఈ విమానం దక్షిణ కొరియాలోని డేగు నగరానికి వెళుతోంది. ఈ విమానం ఏషియానా ఎయిర్‌లైన్స్‌కు చెందినది.
చదవండి: New Parliament : నూతన పార్లమెంట్ ప్రారంభోత్సవం.. బీఆర్ఎస్ దూరం !
గేట్ ఓపెనర్ అరెస్ట్
డేగు విమానాశ్రయంలో విమానం ల్యాండ్ అయిన వెంటనే అత్యవసర బృందం అక్కడికి చేరుకుంది. భయంతో తొమ్మిది మంది పరిస్థితి విషమంగా ఉండడంతో ఆస్పత్రికి తరలించాల్సి వచ్చింది. ఈ వ్యక్తులు శ్వాస తీసుకోవడంలో కూడా ఇబ్బంది పడ్డారు. 194 మంది ఈ ఇబ్బందికి గురికావడానికి కారణం అతని అజ్ఞానం అని తేలింది. గేట్ ఓపెన్ చేసిన వ్యక్తిని ప్రస్తుతం పోలీసులు అరెస్టు చేసినట్లు యోన్‌హాప్ న్యూస్ ఏజెన్సీ నివేదించింది. అరెస్టయిన వ్యక్తి వయస్సు 30 ఏళ్లుగా పేర్కొన్నారు. ఇంతకీ అతను గేటు ఎందుకు తెరిచాడో తెలియలేదు.
గేటు మూసే ప్రయత్నం విఫలం
విమానంలో ఉన్న కొందరు వ్యక్తులు ఆ వ్యక్తిని ఆపేందుకు ప్రయత్నించారని, అయితే వారు విజయవంతం కాలేదని దక్షిణ కొరియా రవాణా మంత్రిత్వ శాఖ తెలిపింది. విమానంలో మొత్తం 194 మంది ఉన్నారు. ఇందులో 48 మంది చిన్నారులు ఓల్సన్‌ నగరానికి జాతీయ క్రీడా పోటీల్లో పాల్గొనేందుకు వెళ్తున్నారు. గేటు తెరిచిన వెంటనే పిల్లలు ఏడవడం, కేకలు వేయడం ప్రారంభించారని ఈ అథ్లెట్లలో ఒకరి తల్లి చెప్పారు. పక్కనే ఉన్న జనం భయంతో వణికిపోయారు.
చదవండి:Bicchagadu 2: అప్పుడే ఓటీటీలోకి ‘బిచ్చగాడు 2’
ఏషియానా ఎయిర్‌లైన్స్ అధికార ప్రతినిధి మాట్లాడుతూ ప్రస్తుతం డోర్ ఎలా తెరుచుకుంది అనే దానిపై అధికారులు విచారణ జరుపుతున్నారు. ఎమర్జెన్సీ డోర్ దగ్గర కూర్చున్న వ్యక్తి దానిని తాకినట్లు, అది దానంతటదే తెరుచుకున్నట్లు చెప్పాడని అతను చెప్పాడు. అయితే, విమానం గాలిలో ఉన్నప్పుడు తలుపు తెరవడం చాలా అరుదు. అయితే ఇంతకు ముందు కూడా ఇలాంటి ఘటనలు జరిగాయి.
Asiana Airlines A321 lands safely at Daegu Airport in South Korea after the emergency exit door was opened by a passenger mid air. 9 hospitalised with breathing difficulties.
Thr were 48 elementary/mid school kidd scheduled to compete in a national sports event on Saturday 😳😨 pic.twitter.com/QGE4TacPbP
— Raman (@SaffronDelhite) May 26, 2023
