Nayantara: నటనతో పాటు ప్రేమకథలతో సూపర్ ఫాలోయింగ్ సంపాదించుకున్న నటి నయనతార(Nayantara). తొలి సినిమానే సూపర్ స్టార్ రజనీ కాంత్(Rajinikanth) తో నటించారు. వరుసగా సూపర్ హిట్ చిత్రాల్లో నటించి లేడీ సూపర్ స్టార్ గా ఎదిగారు. ఇది ఇలా ఉంటే నయనతార గ‌త ఏడాది కోలీవుడ్ ద‌ర్శ‌క‌నిర్మాత విఘ్నేష్ శివ‌న్(vignesh Shivan) ను వివాహం చేసుకున్న సంగతి తెలిసిందే. పెళ్లి(Marriage) అయిన నాలుగు నెల‌ల‌కే ఈ దంప‌తులు స‌రోగ‌సి ద్వారా ఇద్ద‌రు క‌వ‌ల మ‌గ పిల్ల‌ల‌కు జ‌న్మ‌నిచ్చారు. త‌ల్లి అయినా స‌రే నయనతార కెరీర్ సక్సెస్ ఫుల్ గా రన్ అవుతోంది. ప్ర‌స్తుతం నయన్ బాలీవుడ్ లో షారుఖ్ ఖాన్ సరసన `జవాన్` చిత్రంలో నటిస్తోంది. ఇదే నయన్ తొలి హిందీ సినిమా.
చదవండి:SBI: రూ.2 వేల నోటు మార్చడానికి ఐడీ ప్రూఫ్ అక్కర్లేదు.. ఫామ్ కూడా నో
ఈ చిత్రానికి నయనతార ఏకంగా రూ. 10 కోట్ల రెమ్యున‌రేష‌న్ తీసుకుంటున్నట్లు తెలుస్తోంది. అయితే హీరోయిన్ గానే కాకుండా నిర్మాత‌గా కూడా స‌త్తా చాటుతున్న నయనతార.. వ్యాపార రంగంలోనూ హ‌వా చూపిస్తోంది. ఇప్పటికే అనేక వ్యాపారాల్లో నయనతార పెట‌బ‌డులు పెట్టింది. తాజాగా ఈ ముద్దుగుమ్మ మరో కొత్త వ్యాపారం ప్రారంభించ‌బోతోంది. నయనతార థియేటర్ బిజినెస్ లోకి రాబోతుందని మీడియా కోడై కూస్తోంది. చెన్నైలో మూతపడ్డ అగస్త్య థియేటర్ ని నయన్ కొనుగోలు చేసి దాని స్థానంలో విలాసవంతమైన, అత్యాధునికమైన కొత్త మల్టిఫ్లెక్స్ నిర్మాణానికి శ్రీకారం చుట్టబోతున్నట్లు సమాచారం. దీనిపై అధికారిక ప్ర‌క‌ట‌న రావాల్సి త్వరలోనే రానుంది.
చదవండి:Weather Update: ఏపీలో మరో మూడు రోజులు భారీ వర్షాలు
