రంజాన్ (Ramadan) మాసం సందర్బంగా ముస్లిం సోదరులకు ఏపీ ప్రభుత్వం ఏర్పాటు చేసిన ఇఫ్తార్ విందులో సీఎం జగన్ (CM Jagan) పాల్గొన్నారు.విజయవాడ (Vijayawada) విద్యాధరపురంలోని మినీ స్టేడియంలో జరుగుతున్న ఈ కార్యక్రమానికి సుమారు 15 వేల మంది హాజరయ్యారు. ముస్లిం టోపీ, పవిత్ర కండువా ధరించి ముస్లింలతో కలిసి నమాజ్ ఆచరించారు. రంజాన్ సమీపిస్తున్న నేపథ్యంలో, ముస్లింలకు సీఎం జగన్ (CM Jagan) శుభాకాంక్షలు తెలిపారు. రాష్ట్రాభివృద్ధి కోసం అందరూ ప్రార్థించాలని సీఎం పిలుపునిచ్చారు. మీ అందరి ప్రార్థనలు సఫలం కావాలని ఆకాంక్షిస్తున్నట్టు పేర్కోన్నారు. దేవుని ఆశీస్సులతో అందరూ బాగుండాలని కోరుకుంటున్నట్టు వివరించారు. ఏపీ ప్రభుత్వ ఇఫ్తార్ విందు(Iftar feast)కు మంత్రులు, ఎమ్మెల్యేలు కూడా హాజరయ్యారు. ఈ సందర్భంగా డిప్యూటీ సీఎం అంజాద్ బాషా (Deputy CM Anjad Basha) మాట్లాడుతూ, జగన్ ప్రభుత్వంలో మైనారిటీల(minorities)కు ఎంతో మేలు జరిగిందని వెల్లడించారు. దేశంలో ఎక్కడా లేని విధంగా ఏపీలో మైనారిటీలకు సంక్షేమ పథకాలు అమలు చేస్తున్నారని వివరించారు. గత ప్రభుత్వం మైనారిటీలను పట్టించుకోలేదని అంజాద్ బాషా విమర్శించారు. మైనారిటీ వర్గానికి డిప్యూటీ సీఎం పదవి ఇచ్చిన ఘనత సీఎం జగన్ (CM Jagan) దేనని కొనియాడారు.
చదవండి : Minister Malla Reddy, సుధీర్ రెడ్డి మధ్య స్టేజ్ పైనే వాగ్వాదం
