హాస్టల్‌లో ఉండి చదువుకోవడం ఆ విద్యార్థినికి నచ్చలేదు. దీంతో తను ఉంటున్న స్కూల్ హాస్టల్ బిల్డింగ్ మీదికి ఎక్కి అక్కడి నుంచి అమాంతం కిందికి దూకేసింది. దీంతో ఆ బాలికకు తీవ్రగాయాలయ్యాయి. హాస్టల్ లో ఉండటం ఇష్టం లేకనే స్కూల్ భవనంపై నుంచి దూకి విద్యార్థిని ఆత్మహత్యాయత్నం చేసినట్టు స్కూల్ యాజమాన్యం అనుమానిస్తోంది. ఈ ఘటన కరీంనగరం జిల్లాలో ఉన్న గంగాధర మహాత్మా జ్యోతిబా పూలే స్కూల్ లో చోటు చేసుకుంది. అదే స్కూల్ హాస్టల్ లో ఉంటున్న బాలిక పదో తరగతి చదువుతోంది. బాలికను వెంటనే ఆసుపత్రికి తరలించి చికిత్స అందిస్తున్నారు. ఈ ఘటనపై కేసు నమోదు చేసుకున్న పోలీసులు దర్యాప్తు ప్రారంభించారు. హాస్టల్ లో ఉండటం ఇష్టం లేకనే ఆ విద్యార్థిని ఆత్మహత్యాయత్నం చేసిందా? లేక మరేవైనా కారణాలు ఉన్నాయా? అనే కోణంలో పోలీసులు విచారణ చేస్తున్నారు.
