Kalki 2898 Ad : భారీ బడ్జెట్‌ పాన్ ఇండియా సినిమా కల్కి 2898ఏడీ (Kalki 2898 Ad) విడుదలపై భారీగా అంచనాలు ఉన్నాయి. సినిమా టికెట్లు హాట్‌ కేకుల్లా అమ్ముడయిపోతున్నాయి. దీన్ని దృష్టిలో పెట్టుకుని కొన్ని చోట్ల అదనపు ధరలకు టికెట్లను అమ్మేస్తున్నారు. అయినా టికెట్లు దొరికితే చాలు అనుకుని ప్రభాస్‌ అభిమానులు గబగబా టికెట్లను ప్రీ బుకింగ్‌లు చేసేసుకుంటున్నారు. అయితే ఇప్పుడు ఇలా హడావిడిగా టికెట్లు కొనుక్కునే వారికి ఓ కొత్త సమస్య వచ్చి పడింది.
చదవండి : స్వల్పంగా తగ్గిన వెండి, బంగారం ధరలు!
ఈ సినిమా సందట్లో మెల్లగా మార్కెట్‌లోకి వచ్చింది రాజశేఖర్‌ నటించిన కల్కి సినిమా. 2019లో విడుదలైన ఈ సినిమా ఇప్పుడు మళ్లీ రీ రిలీజ్‌ అయ్యింది. టికెట్లు అయిపోతాయేమో అని తొందరలో కొందరు ప్రభాస్‌(Prabhas) కల్కి మూవీ టికెట్లను బుక్‌(Ticket Bookings) చేసుకోగా.. వారికి హీరో రాజశేఖర్‌(Rajasekhar) నటించిన కల్కి(Kalki) సినిమా టికెట్లు బుక్‌ అయ్యాయి. ఈ సమస్యను పలువురు ఫేస్‌ చేయడంతో ఈ సంగతి ఇప్పుడు నెట్‌లో వైరల్‌గా మారింది.
చదవండి : రష్యాలో ప్రార్థనాలయాలపై ఉగ్రదాడి.. 15 మంది మృతి
బుక్‌ మై షో ద్వారా టికెట్లు బుక్‌ చేసుకున్న పలువురికి ఈ చేదు అనుభవం ఎదురైంది. అయితే సాంకేతిక సమస్యల కారణంగా ఇలా టికెట్లు(Tickets) బుక్‌ అవుతున్నట్లు ఆ వెబ్‌సైట్ తెలిపింది. వినియోగదారులు ఆందోళన చెందాల్సిన అవసరం లేదని తెలిపింది. రాజశేఖర్‌ కల్కి టికెట్లు చూపించినా కల్కి 2898ఏడీ టికెట్‌లాగే పరిగణిస్తామని తెలిపింది. ఏ టికెట్‌ చూపించి అయినా ప్రభాస్‌(Prabhas) కల్కి చూడవచ్చంటూ తేల్చింది. దీంతో అభిమానులు కాస్త కుదుట పడ్డారు. ఈ విషయమై హీరో రాజశేఖర్‌ కూడా స్పందించారు. టికెట్ల విషయంలో తనకు ఎలాంటి సంబంధం లేదని ఎక్స్‌ ఖాతాలో పోస్ట్‌ చేశారు. కల్కి 2898ఏడీ బృందానికి శుభాకాంక్షలు తెలిపారు.
చదవండి : కొత్త లోక్‌సభ సమావేశాలు ప్రారంభం.. ప్రధాని మోదీ ప్రమాణ స్వీకారం
