Rahul gandhi
Rahul Gandhi: లోక్‌సభ ఎన్నికల హడావుడిలో ఉన్న కాంగ్రెస్ ఎంపీ రాహుల్ గాంధీ అకస్మాత్తుగా అస్వస్థతకు గురయ్యారు. దీంతో తను ఆదివారం రాంచీలో జరుగుతున్న ‘ఇండియా’ కూటమి ర్యాలీకి హాజరుకావడం లేదు. ఇది మాత్రమే కాదు, మధ్యప్రదేశ్‌లోని సాత్నాలో జరగనున్న రాహుల్ ర్యాలీలో కూడా పాల్గొనడం లేదు. ఈ మేరకు కాంగ్రెస్ నేత జైరాం రమేష్ ట్వీట్ చేశారు.
చదవండి: DoubleISMART: డబుల్ ఇస్మార్ట్ సెట్స్‌లో చిల్ అవుతున్న.. పూరీ జగన్నాథ్, రామ్ పోతినేని
ఇండియా కూటమి ర్యాలీ జరుగుతున్న సాత్నా, రాంచీలలో ఈరోజు ఎన్నికల ప్రచారానికి రాహుల్ గాంధీ పూర్తిగా సిద్ధమయ్యారని జైరాం రమేష్ ట్వీట్ చేశారు. అయితే ఆయన అకస్మాత్తుగా అస్వస్థతకు గురయ్యారు. ప్రస్తుతానికి న్యూఢిల్లీ నుండి బయటకు వెళ్లలేరు. సత్నాలో జరిగే ర్యాలీలో కాంగ్రెస్ అధ్యక్షుడు మల్లికార్జున్ ఖర్గే ప్రసంగించనున్నారు. ఆ తర్వాత రాంచీలో జరిగే కూటమి ర్యాలీలో పాల్గొంటారు.
చదవండి:Pankaj Tripathi: మీర్జాపూర్ నటుడు పంకజ్ త్రిపాఠి ఇంట్లో విషాదం
श्री राहुल गांधी आज सतना और रांची में चुनाव प्रचार के लिए पूरी तरह से तैयार थे, जहां INDIA की रैली हो रही है। लेकिन वह अचानक बीमार हो गए हैं और फिलहाल नई दिल्ली से बाहर नहीं जा सकते हैं। कांग्रेस अध्यक्ष श्री मल्लिकार्जुन खरगे जी अवश्य सतना में जनसभा को संबोधित करने के बाद रांची…
— Jairam Ramesh (@Jairam_Ramesh) April 21, 2024
రాంచీలో లోక్‌సభ ఎన్నికల రెండో దశ ఓటింగ్‌కు ముందు ఆదివారం ‘ఇండియా’ కూటమి బలప్రదర్శన జరుగుతోంది. రాంచీలోని ప్రభాత్ తారా గ్రౌండ్‌లో జరగనున్న ఈ మెగా ర్యాలీకి ‘ఉల్గులన్ న్యాయ ర్యాలీ’ అని పేరు పెట్టారు. ఈ ర్యాలీలో దాదాపు 14 పార్టీల నేతలు పాల్గొననున్నారు. కాంగ్రెస్ అధ్యక్షుడు మల్లికార్జున్ ఖర్గే, ఆర్జేడీ నేత తేజస్వీ యాదవ్, ఎస్పీ అధ్యక్షుడు అఖిలేష్ యాదవ్, ఢిల్లీ సీఎం అరవింద్ కేజ్రీవాల్ సతీమణి సునీతా కేజ్రీవాల్, ఆప్ నేత సంజయ్ సింగ్ సహా పలువురు ప్రతిపక్ష నేతలు ఈ మెగా ర్యాలీకి చేరుకుంటున్నారు. ఈ ర్యాలీలో రాహుల్ గాంధీ కూడా పాల్గొనాల్సి ఉంది. అయితే అనారోగ్య కారణాలతో ఆయన ర్యాలీకి హాజరుకావడం లేదు. రాంచీలో జరిగే ఈ ర్యాలీకి ముందు కూడా మార్చి 31న రాజధాని ఢిల్లీలోని రాంలీలా మైదాన్‌లో ఇండియా కూటమి బహిరంగ సభ జరిగింది.
