Supreme Court: డీఎంకే నేత ఉదయనిధి స్టాలిన్ సనాతన ధర్మంపై చేసిన వ్యాఖ్యలు ఇటీవల దుమారం రేపిన సంగతి తెలిసిందే. అయితే ఈ విషయంపై పలు రాష్ట్రల్లో కేసులు నమోదయ్యాయి. ఆ ఎఫ్‌ఐఆర్‌లన్నింటినీ కలిపి విచారించాలంటూ ఉదయనిధి సుప్రీంకోర్టును ఆశ్రయించారు. అయితే దీనిపై తాజాగా విచారణ జరిపిన న్యాయస్థానం ఆ వ్యాఖ్యలను తప్పబట్టింది.
ఇది కూడా చూడండి: Himachal Pradesh: భారీ హిమపాతం.. రహదారులన్నీ మూసివేత!
వాక్ స్వాతంత్ర్యం, భావ ప్రకటనా స్వేచ్ఛ, మత స్వేచ్ఛ కింద ఉన్న మీ హక్కులను దుర్వినియోగం చేశారు. ఇప్పుడు మీరే రక్షణ కోసం సుప్రీంకోర్టుకు వచ్చారు. మీరేం సామాన్య పౌరుడు కాదు. ఓ మంత్రి పదవిలో ఉన్నారు. మీరు చేసిన వ్యాఖ్యలు ఎలాంటి పరిణామాలకు దారితీస్తాయో తెలియదా? అని సుప్రీంకోర్టు మండిపడింది. దీని తదుపరి విచారణను మార్చి 15వ తేదీకి వాయిదా వేసింది.
ఇది కూడా చూడండి: Sunrisers Hyderabad: సన్‌రైజర్స్‌కు కొత్త కెప్టెన్‌.. ఎవరంటే?
గతేడాది జరిగిన సనాతన నిర్మూలన కాన్ఫరెన్స్‌లో భాగంగా ఉదయనిధి వివాదస్పద వ్యాఖ్యలు చేశారు. సనాతన ధర్మం అనేది సామాజిక న్యాయం, సమానత్వానికి వ్యతిరేకంగా ఉంటుందని కొన్నింటిని వ్యతిరేకించి ఊరుకోకూడదని, వాటిని నిర్మూలించాలని పిలుపునిచ్చారు. డెంగ్యూ, మలేరియా, దోమలు, కరోనా వంటి వాటిని వ్యతిరేకిస్తే సరిపోదని పూర్తిగా నిర్మూలించాలన్నారు. ఈ వ్యాఖ్యలపై బీజేపీ మండిపడింది.
