Virat kohli: ప్రపంచ కప్ 2023 చివరి లీగ్ మ్యాచ్‌లో విరాట్ కోహ్లీ నెదర్లాండ్స్‌తో తొమ్మిదేళ్ల తర్వాత బౌలింగ్ చేస్తూ కనిపించాడు. ఈ ప్రపంచకప్‌లో అభిమానులు కోహ్లీని బౌలింగ్ చేయమని ఇటీవల చాలా సార్లు డిమాండ్ చేశారు. మరి అభిమానుల ఈ డిమాండ్‌ని కెప్టెన్ రోహిత్ శర్మ నెరవేర్చాడు. కోహ్లీ తన రెండో ఓవర్‌లోనే వికెట్ తీశాడు. కోహ్లి వికెట్‌పై భార్య అనుష్క శర్మ రియాక్షన్ సోషల్ మీడియాలో వైరల్‌గా మారింది. విరాట్ కోహ్లీ ఇన్నింగ్స్ తన రెండో ఓవర్.. మ్యాచ్ లో 25వ ఓవర్‌లో నెదర్లాండ్స్ కెప్టెన్ స్కాట్ ఎడ్వర్డ్స్‌ కు వేయగా వికెట్ కీపర్ కేఎల్ రాహుల్ క్యాచ్ అందుకున్నాడు. ఆ తర్వాత అనుష్క శర్మ నవ్వు ఆపుకోలేకపోయింది. అనుష్క శర్మ రియాక్షన్ చాలా వేగంగా వైరల్ అయింది. అభిమానులు ఈ వీడియోను విపరీతంగా లైక్ చేస్తున్నారు.
చదవండి: Andhrapradesh: మహిళలకు గుడ్‌న్యూస్.. లక్షన్నర ఇవ్వనున్న జగన్ సర్కార్
విరాట్ కోహ్లీ తన వన్డే కెరీర్‌లో ఐదో వికెట్ తీశాడు. దీంతోపాటు అంతర్జాతీయ టీ20ల్లో 4 వికెట్లు కూడా తీశాడు. అంటే ఓవరాల్ గా కోహ్లీ అంతర్జాతీయ క్రికెట్ లో మొత్తం 9 వికెట్లు తీశాడు. అంతకుముందు టోర్నీలో బంగ్లాదేశ్‌తో జరిగిన మ్యాచ్‌లో హార్దిక్ పాండ్యా గాయపడటంతో, కోహ్లీ తన మిగిలిన 3 బంతులను బౌల్డ్ చేశాడు. ఆ తర్వాత అభిమానులు కోహ్లీని బౌలింగ్ చేయమని నిరంతరం డిమాండ్ చేయడం కనిపించింది. తొలుత బ్యాటింగ్ చేసిన కోహ్లి హాఫ్ సెంచరీ చేశాడు. కోహ్లి 56 బంతుల్లో 5 ఫోర్లు, 1 సిక్స్‌తో 51 పరుగులు చేశాడు. కింగ్ కోహ్లీ నుండి 50వ వన్డే సెంచరీని అభిమానులు ఆశించినప్పటికీ దానిని పూర్తి చేయలేకపోయాడు. కానీ కోహ్లీ ఆ సంఖ్యను కచ్చితంగా చేధించగలడు. నవంబర్ 15న న్యూజిలాండ్‌తో భారత్ తన సెమీ-ఫైనల్ మ్యాచ్ ఆడనుంది.
చదవండి:Bihar Crime: క్లీన్ చేస్తుంటే పొరుగింట్లో నీళ్లు పడ్డాయని.. ముగ్గురిపై కాల్పులు
View this post on Instagram
