sitamarhi-in-bihar-thundered-while-doing-reels-a-big-risk-that-was-narrowly-missed
Viral News: రీల్స్ చేస్తుండగా షాకింగ్ ఘటన చోటుచేసుకుంది. వర్షంలో సరదాగా రీల్స్ చేద్దామని టెర్రస్‌పైకి ఎక్కి రీల్స్ చేస్తుండగా పిడుగు పడింది. దీంతో రీల్స్ చేస్తున్న పాప ప్రాణభయంతో పరిగెత్తింది. ఈ వీడియో సోషల్ మీడియాలో వైరల్‌గా మారింది. ఈ షాకింగ్ సంఘటన బీహార్‌లోని సీతామర్హిలో జరిగింది. సీతామర్హి ప‌రిధిలోని పరిహార్‌లోని సిర్సియా బజార్‌లో సానియా కుమారి అనే బాలిక వర్షం పడే సమయంలో సరదాగా రీల్స్ చేసుకుందామని ఇంటిపైకి ఎక్కింది. తాను వర్షంలో డ్యాన్స్ చేస్తుండగా తన ఫ్రెండ్ వీడియో తీస్తోంది. అదే సమయంలో సానియాకు సమీపంలోనే పిడుగు పడింది. అదృష్టవశాత్తూ తనకు ఏం కాలేదు. వెంటనే అక్కడినుంచి లోపలకి పరుగెత్తింది.
చదవండి:President : నీట్‌ లీకేజీ విషయంలో కఠిన చర్యలు : ద్రౌపతి ముర్ము
దీనికి సంబంధించిన వీడియో మొత్తం ఫోన్లో రికార్డు అయింది. దాన్ని తన ఇన్‌స్టాగ్రామ్‌లో పోస్టు చేసింది. అది కాస్త వైరల్ కావడంతో లక్కీ గర్ల్ అని అందరూ మెసెజ్ చేస్తున్నారు. అదే రోజు బీహార్‌లో 8 మంది పిడుగుపాటుకు మృతి చెందారు. అలాగే భారీ వర్షం కురిసే భాగల్‌పూర్, ముంగేర్, జముయి, తూర్పు చంపారన్, పశ్చిమ చంపారన్, అరారియాలోని ప్రజలకు ఆరెంజ్ అలెర్ట్ జారీ చేశారు. ప్రజలు అప్రమత్తంగా ఉండాలంటూ విపత్తు నిర్వహణ శాఖ జారీ చేసిన మార్గదర్శకాలను విడుదల చేసింది.
Reels nahi rukni chahiye.💃🙂
📍Sitamarhi, Bihar#LighteningStrike #Thunder ⚡🌩️ pic.twitter.com/9b1i9YDzNo— NITESH (@Nitesh805181) June 26, 2024
