A British tourist tried to open the door on a crowded Ryanair plane
Viral video: ఎయిర్‌పోర్ట్‌ నుంచి విమానం టేక్ ఆఫ్ అవడానికి సిద్ధం అవుతోంది. మరికాసేపట్లో విమానం గాల్లోకి ఎగురనుందని సిబ్బంది అనౌన్స్‌ చేశారు. అందులో ఉన్న ప్రయాణికులంతా సీటు బెల్ట్ పెట్టుకొని, ఊపిరి పీల్లుకొని టేక్ ఆఫ్ ను ఆస్వాదించడానికి సన్నద్ధం అవుతున్నారు. ఇంతలో ఓ యువకుడు తన పక్క సీట్లో ఉన్న ప్రయాణికుడితో గొడవపడుతూ లేచి నిలబడ్డాడు. విమానం డోర్ తెరవండి (Open the door) అని గట్టిగా అరుస్తూ డోర్ వైపు పరుగెత్తాడు. ఈ ఘటనతో ప్రయాణికులంతా ఒక్కసారిగా షాక్‌ గురయ్యారు. ఆ యువకుడు డోర్ వైపు పరుగులు పెడుతుండగా ఇద్దరు ప్యాసింజర్లు అతడిని అడ్డుకున్నారు. ఈ విస్తుపోయే ఘటన క్రొయేషియాలోని జాదర్‌ నుంచి లండన్‌ వెళ్తున్న ర్యాన్‌ఎయిర్‌ (Ryanair) విమానంలో జరిగింది.
చదవండి:Samantha: సమంత ఏడాదిపాటు సినిమాలకు బ్రేక్?
యూకేకు (United Kingdom) చెందిన 27 ఏండ్ల యువకుడు ర్యాన్‌ఎయిర్‌ విమానంలో జాదర్‌ (Zadar) నుంచి లండన్‌ (London) కు ప్రయాణం చేస్తున్నాడు. విమానం టేక్‌ఆఫ్‌ (Take-off) అవడానికి రెడీగా ఉంది. అంతలో అతని పక్కనే ఉన్న మరో ప్యాసింజర్ తో గొడవ పడ్డాడు. గట్టిగా కేకలు పెడుతూ అతడు తన సీట్లో నుంచి లేచాడు. విమానం డోరు తీస్తానంటూ హడావిడీ చేశాడు. ఇది గమనించిన ఎయిర్ హోస్టస్ అడ్డుకునే ప్రయత్నం చేసింది. తనని తప్పించుకొని వేగంగా డోర్ వైపు అడుగులు వేశాడు. ఇంతలో ఓ వ్యక్తి అతడిని అడ్డుకున్నాడు. మరో ప్రయాణికులు అతనికి జతవడంతో ఇద్దరూ కలిసి ఆ యువకుడిని కిందపడేశారు. వెంటనే అప్రమత్తం అయిన విమానం సిబ్బంది అతడిని స్థానిక పోలీసులుకు అప్పగించారు. అనంతరం విమానం తన గమ్యస్థానానికి బయలుదేరింది. ఒక్కసారిగా జరిగిన ఈ ఘటనతో అందులో ఉన్నవారు విస్తుపోయారు. ఈ తతంగాన్నంతా విమానంలో ఉన్న ప్రయాణికులు తమ ఫోన్లలో బంధించారు. ప్రస్తుతం ఆ వీడియో సోషల్‌ మీడియాలో (Social media) తెగ వైరల్ అవుతుంది.
https://twitter.com/WinniePooh14466/status/1675863933381484546?s=20
చదవండి:India Chief Selector: భారత క్రికెట్ జట్టు చీఫ్ సెలెక్టర్‌గా అజిత్ అగార్కర్
