A common man who was slapped on the cheek by a terrorist in a Maharashtra temple
Slapped terrorist: మహారాష్ట్ర(Maharashtra)లోని స్వామినారాయణ్ ఆలయంలోకి సడెన్ గా ఓ టెర్రరిస్టు(Terrorist) గుంపు ప్రవేశించి నానా హంగామా చేసింది. దీంతో అప్పటి వరకూ ప్రశాంతంగా ఉన్న వాతావరణం ఒక్కసారిగా భయానకంగా మారింది. స్వామి దర్శనానికి వచ్చిన భక్తులు ప్రాణ భయంతో వణికిపోయారు. ఇదంతా గమనిస్తున్న ఓ భక్తుడికి మాత్రం చిర్రెత్తుకొచ్చింది. టెర్రరిస్టు చేతిలో గన్ ఉన్నప్పటికీ ఏ మాత్రం భయపడకుండా నేరుగా వెళ్లీ అతని చెంప చెళ్లుమనిపించాడు. దీంతో చుట్టు ఉన్న భక్తులు మాత్రమే కాదు. టెర్రరిస్టులు సైతం కంగుతిన్నారు. ప్రస్తుతం ఈ ఘటన వీడియో సోషల్ మీడియాలో వైరల్‌గా మారింది.
చదవండి:Veerappan: టూరిస్ట్ ప్లేస్‌గా వీరప్పన్ నివాసం!
ధూలె సిటీ(Dust City)లోని ప్రఖ్యాత స్వామినారాయణ్ టెంపుల్ లో ఈ సంఘటన చోటుచేసుకుంది. ఆలయంలోకి నల్లటి దుస్తులు, చేతిలో గన్ తో ఓ టెర్రరిస్ట్ సడెన్ గా ఎంటరయ్యాడు. లోపలికి రావడంతోనే ఓ భక్తుడిని బంధించి, గన్ తో మిగతా వారిని బెదిరించాడు. దీంతో ఆలయంలోని భక్తులు భయంతో వణికిపోయారు. ఓ భక్తుడు మాత్రం కోపం పట్టలేక టెర్రరిస్టు దగ్గరికి వెళ్లి చెంప చెళ్లుమనిపించాడు. ఈ రియాక్షన్ తో సదరు టెర్రరిస్టు కంగుతిన్నాడు.
ఇంతలో అక్కడే మఫ్టీలో ఉన్న పోలీసులు వచ్చి భక్తుడిని ఆపారు. నల్ల దుస్తుల్లో ఉన్న వ్యక్తి నిజమైన టెర్రరిస్ట్ కాదని.. ఇదంతా మాక్ డ్రిల్ అని చెప్పారు. ఓ పోలీస్ అధికారికి టెర్రరిస్ట్ వేషం వేసి ఆలయంలోకి పంపించినట్లు వివరించారు. దీంతో అప్పటి వరకు భయాందోళనలకు గురైన భక్తులు ఊపిరి పీల్చుకున్నారు. టెర్రర్ దాడుల సమయంలో ప్రజలు ఎలా స్పందిస్తారనే విషయం తెలుసుకోవడంతో పాటు అవగాహన కల్పించేందుకు పోలీసులు ఈ మాక్ డ్రిల్ నిర్వహించామని అధికారులు తెలిపారు.
Watch: Man slaps armed '#terrorist' in Maharashtra temple, but there's a twist #DhuleDrill pic.twitter.com/TpJZbMiNZu
— Sachin Tiwari (@truth_reporting) August 8, 2023
