up ex cm akhilesh yadav Gift of luxury election campaign bus to KCR
తెలంగాణలో మరికొన్ని రోజుల్లో ఎన్నికలు జరగనున్న నేపథ్యంలో బీఆర్ఎస్ అధినేత సీఎం కేసీఆర్(KCR)కు అదిరిపోయే గిఫ్ట్ వచ్చింది. చంద్రశేఖర్‌రావుకు ఉత్తరప్రదేశ్ నుంచి విలాసవంతమైన ఎన్నికల ప్రచార వాహనం హైదరాబాద్‌కు చేరుకుంది. అయితే దీనిని ఉత్తరప్రదేశ్ మాజీ ముఖ్యమంత్రి అఖిలేష్ యాదవ్(akhilesh yadav) జంబో క్యాంపెయిన్ బస్సును కేసీఆర్‌కు బహుమతిగా పంపారని పార్టీ వర్గాలు తెలిపాయి.
నియోజకవర్గాల పర్యటనకు, బహిరంగ సభలకు హాజరయ్యేందుకు కేసీఆర్ ఈ బస్సును వినియోగించనున్నారు. సినిమా సెలబ్రిటీలు తమ అవుట్‌డోర్ సినిమా షూటింగ్‌ల సమయంలో ఉపయోగించే వానిటీ వ్యాన్‌ల వంటి అన్ని రకాల అత్యాధునిక సౌకర్యాలను ఈ వాహనం కల్గి ఉంది. బహిరంగ సభల్లో ప్రసంగించేందుకు కేసీఆర్ హెలిక్యాప్టర్ ద్వారా సుదూర అసెంబ్లీ నియోజకవర్గాలకు చేరుకుంటారని, పర్యటన సందర్భంగా స్థానికంగా ర్యాలీలు నిర్వహించేందుకు బస్సును వినియోగిస్తారని బీఆర్ఎస్(BRS) నేతలు చెబుతున్నారు. హుస్నాబాద్ నుంచి నేటి నుంచి ఎన్నికల ప్రచారం చేపట్టేందుకు ఇప్పటికే బీఆర్ఎస్ నేతలు సిద్ధమయ్యారు.
ఇది కూడా చూడండి: Election Code : నల్గొండ జిల్లాలో రూ.3.5 కోట్లు నగదు పట్టివేత
