తెలంగాణ ప‌బ్లిక్ స‌ర్వీస్ క‌మిష‌న్(TSPSC) ప‌రిస‌రాల్లో హైద‌రాబాద్ పోలీసులు( Hyderabad Police ) ఆంక్ష‌లు విధించారు. విద్యార్థుల ధ‌ర్నాలు, ర్యాలీలు, ఆందోళ‌న‌ల నేప‌థ్యంలో పోలీసులు కీల‌క నిర్ణయం తీసుకున్నారు. టీఎస్పీఎస్సీ ప‌రిస‌రాల్లో 144 సెక్ష‌న్( 144 Section ) విధించారు. ఐదుగురికి మించి గుమిగూడొద్ద‌ని పోలీసులు (Police) ఆదేశించారు. టీఎస్పీఎస్సీ ప‌రిస‌రాల్లో ధ‌ర్నాలు, ర్యాలీల‌కు అనుమ‌తి లేద‌ని స్ప‌ష్టం చేశారు. నిబంధ‌న‌లు ఉల్లంఘించిన వారిపై చ‌ట్ట‌ప‌ర‌మైన చర్యలు తీసుకుంటామ‌ని పోలీసులు హెచ్చ‌రించారు. టీఎస్పీఎస్సీ వ‌ద్ద జ‌రుగుతున్న ఆందోళ‌న‌ల నేప‌థ్యంలో ఉండే ఇత‌ర కార్యాల‌యాల సిబ్బందికి, స్థానికుల‌కు,వాహ‌నాల రాక‌పోక‌ల‌కు తీవ్ర ఇబ్బందులు త‌లెత్తుతున్నాయి. ఈ ప‌రిస్థితుల దృష్ట్యా పోలీసులు ఆంక్ష‌లు విధించారు. అక్రమాలకు పాల్పడ్డ వారిపై చర్యలు తీసుకోవాలని ఏబీవీపీ (ABVP) కార్యకర్తలు డిమాండ్ చేశారు.
చదవండి : భోజనం మధ్యలో మంచినీరు తాగితే ఏమౌతుంది..?
పేపర్ లీకేజీలో టీఎస్పీఎస్సీ నిర్లక్ష్యంగా వ్యవహరించిందని వారు ఆరోపించారు. పేపర్ లీకేజీ ఘటనకు బాద్యత వహిస్తూ, సీఎం కేసీఆర్, టీఎస్పీఎస్సీ రాజీనామా చేయాలన్నారు. పేపర్ లీక్ ఘటనపై సిట్టింగ్ జడ్జితో(Sitting Judge) విచారణ జరిపించాలని ఏబీవీపీ నాయకులు డిమాండ్ చేశారు. TSPSC ని మొత్తం ప్రక్షాళన చేయాలన్నారు. మొత్తం ఎన్ని పరీక్షల పేపర్లు లీకేజీ చేశారో ఆయా పరీక్షలను మొత్తం రద్దు చేసి మళ్ళీ పరీక్షలను నిర్వహించాలని కోరారు.పేపర్ లీక్ కేసులో ఇప్పటికే 9 మంది నిందితులకు నాంపల్లి కోర్టు (Nampally Court) 14 రోజుల రిమాండ్ విధించింది. ఏఈ పరీక్షను(AE Exam) రద్దుచేయాలా వద్దా అనేదానిపై టీఎస్ పీఎస్సీ కాసేపట్లో నిర్ణయం తీసుకోనుంది.
చదవండి : దేశానికి చదువుకున్న ప్రధాని కావాలి: కేజ్రీవాల్
