వరంగల్: రాయపర్తి మండల కేంద్రంలో ప్రగతి స్కూల్ ఆవరణలో రాయపర్తి క్రికెట్ లీగ్ టోర్నమెంట్‌ను శనివారం కొబ్బరికాయ కొట్టి ఎస్ఆర్ఆర్ ఫౌండేషన్ చైర్మన్, బీఆర్ఎస్ పార్టీ జిల్లా నాయకులు పరుపటి శ్రీనివాస్ రెడ్డి ప్రారంభించారు. వారు మాట్లాడుతూ.. క్రీడలతో శారీరక, మానసిక ప్రశాంతత లభిస్తుందన్నారు. ప్రతి ఒక్కరూ క్రీడలపై దృష్టి సారించి ఉన్నత శిఖరాలు అధిరోహించాలని ఆకాంక్షించారు.
NRML: బీజేపీ సంస్థాగత ఎన్నికల్లో భాగంగా శనివారం లోకేశ్వరం మండలంలోని కిస్టాపూర్ గ్రామంలో బూత్ కమిటీలను ఎమ్మెల్యే రామారావు పటేల్ పర్యవేక్షించారు. ఈ సంద్భంగా ఆయన మాట్లాడుతూ.. గ్రామాల్లో బీజేపీ బలోపేతానికి కార్యకర్తలు కృషి చేయాలని, వచ్చే ఎన్నికల్లో బీజేపీని గెలిపించడానికి కార్యకర్తలు నిరంతరాయంగా కృషి చేయాలని సూచించారు.
KNR: దివంగత కేంద్ర మాజీ ఆర్థిక శాఖ మంత్రి అరుణ్ జైట్లీ సేవలు మరువలేనివని కరీంనగర్ ఎంపీ, కేంద్రమంత్రి బండి సంజయ్ అన్నారు. ఈ మేరకు అరుణ్ జైట్లీ జయంతి సందర్భంగా ట్విట్టర్ వేదికగా స్పందించారు. అరుణ్ జైట్లీ మహోన్నతమైన రాజనీతిజ్ఞుడు, విశేషమైన వక్త అని కొనియాడారు. ఆయన భారతదేశ పాలసీ ఫ్రేమ్ వర్క్స్‌ను రూపొందించడంలో కీలక పాత్ర పోషించారని గుర్తు చేసుకున్నారు.
SRCL: రాజన్న సిరిసిల్ల జిల్లా కలెక్టరేట్ ఎదుట సీఐటీయూ ఆధ్వర్యంలో గ్రామ పంచాయతీ కార్మికులు శనివారం ధర్నా చేశారు. గ్రామపంచాయతీ కార్మికుల సమస్యలను పరిష్కరించాలని డిమాండ్ చేశారు. ఏళ్లుగా వెట్టి చాకిరీ చేస్తున్నామని, తమకు వేతనాలు పెంచడం లేదని వారు వాపోయారు. గ్రామపంచాయతీ కార్మికులను ఉద్యోగులుగా గుర్తించాలని, వేతనాలు రెట్టింపు చేయాలని ప్రభుత్వాన్ని కోరారు.
JGL: గొల్లపల్లి మండలం రాఘవపట్నం గ్రామానికి చెందిన రాజనర్సు అనారోగ్యానికి గురై వారం రోజుల కింద జగిత్యాల ఆస్పత్రిలో చేరాడు. అయితే అతనికి సాయంగా భార్య మల్లవ్వ ఉంటోంది. ఈ క్రమంలో ఆమె హై బీపీతో బాధపడుతూ సొమ్మసిల్లి కింద పడిపోయింది. వైద్యం అందిచాల్సిన ఆస్పత్రి సిబ్బంది ఆమెను బయట రోడ్డుపై పడేశారు.
BDK: దమ్మపేట మండలం గండుగులపల్లి ఎమ్మెల్యే క్యాంపు కార్యాలయంలో శనివారం ఎమ్మెల్యే జారే ఆదినారాయణ ప్రజాపాలన కార్యక్రమం నిర్వహించారు. ఈ కార్యక్రమంలో నియోజకవర్గ ప్రజలు పాల్గొని, తమ సమస్యలను ఎమ్మెల్యేకు విన్నవించారు. వాటిని పరిష్కరించాలని సంబంధిత అధికారులను ఎమ్మెల్యే ఆదేశించారు.
ADB: బజార్ హత్నూర్ మండలం పిప్పిరి గ్రామంలోని శబరిమాత ఆశ్రమంలో అయ్యప్ప స్వాముల పడి పూజ కార్యక్రమం నిర్వహించారు. కార్యక్రమంలో ఆదిలాబాద్ పార్లమెంట్ సభ్యుడు నగేశ్ పాల్గొని ప్రత్యేక పూజలు నిర్వహించారు. ఆధ్యాత్మికతతోనే మానసిక ప్రశాంతత కలుగుతుందని ఎంపీ నగేశ్ పేర్కొన్నారు. బీజేపీ నాయకులు రాజు, తులసి రామ్, శ్రీనివాస్ తదితరులున్నారు.
GDWL: క్రీడల్లో గెలుపు ఓటములు సహజమని బీఆర్ఎస్ జిల్లా నాయకులు బాసుల హనుమంతు నాయుడు అన్నారు. శనివారం గట్టు మండలం ఇందువాసి గ్రామంలో క్రికెట్ టోర్నీని ఆయన ప్రారంభించారు. ఈ సందర్భంగా ఆయన మాట్లాడుతూ.. క్రీడాకారులు ఆటల్లో సమయస్ఫూర్తిని కలిగి ఉండాలని అన్నారు. ప్రతి ఒక్క క్రీడాకారులు సమయస్ఫూర్తి, క్రీడా స్ఫూర్తిని కలిగి ఉండాలని క్రీడాకారులకు సూచించారు.
NGKL: వంగూర్ మండలం యూటిఎఫ్ ఉపాధ్యాయ సంఘం నాయకులు శనివారం నల్లగొండ పట్టణంలో జరుగుతున్న యుటిఎఫ్-6వ విద్యా, వైజ్ఞానిక సదస్సుకు బయలుదేరి శనివారం వెళ్లారు. ఈ సందర్భంగా యుటిఎఫ్ రాష్ట్ర కమిటీ సభ్యుడు చిన్నయ్య మాట్లాడుతూ.. ఈ వైజ్ఞానిక సదస్సుకు రాష్ట్రం నుండి వేలాది మంది ఉపాధ్యాయులు, విద్యా వేత్తలు పాల్గొంటున్నారని అన్నారు.
నల్గొండ: జిల్లాలో TSUTF ఆరవ రాష్ట్ర మహాసభలు జరుగుతున్నాయి. క్లాక్ టవర్ నుంచి సభా ప్రాంగణం వరకు ఉపాధ్యాయులు భారీ ర్యాలీ నిర్వహించారు. ఈ క్రమంలో టీచర్లు బతుకమ్మలతో ఉత్సాహంగా పాల్గొన్నారు. తెలంగాణ సంస్కృతి, సంప్రదాయాలకు బతుకమ్మ పట్టుగొమ్మ అని వారు అన్నారు. రాష్ట్ర మహా సభల తరుణంలో నల్గొండ అరుణ వర్ణంతో మెరిసిపోతోంది.
NZB: సిరికొండ మండల నాయకులు శనివారం సీపీఐ(ఎంఎల్) న్యూ డెమోక్రసీ రెండు పార్టీల విలీన సభకు హైదరాబాద్ బయలుదేరి వెళ్లారు. వారు మాట్లాడుతూ.. సీపీఐ(ఎంఎల్) న్యూ డెమోక్రసీ పేరిట కొనసాగుతున్న రెండు విప్లవ పార్టీలు చర్చలు అనంతరం జరిపిన తరువాత ఒకటిగా కొనసాగాలని ఆయన అన్నారు. ఈ కార్యక్రమాన్ని సుందరయ్య విజ్ఞాన కేంద్రంలో విలీన సభ నిర్వహిస్తున్నామని అన్నారు.
BDK: అశ్వాపురం మండలం పిచ్చుకల తండా గ్రామానికి చెందిన బదావత్ కోటేశ్వర రావు, కొత్తగూడెం పెద్ద బజారుకు చెందిన సంజయ్ లడ్డ ఇద్దరు కలిసి నాటుసారా తయారీకి వాడే బెల్లంను శనివారం మణుగూరు ఎక్సైజ్ స్టేషన్ సిబ్బంది స్వాధీనం చేసుకున్నారు. వారివురి మీద కేసు నమోదు చేసినట్లు మణుగూరు ఎక్సైజ్ సీఐ రాజిరెడ్డి తెలిపారు. ఈ తనిఖీల్లో పోలీస్ సిబ్బంది పాల్గొన్నారు.
MLG: సీఎం కప్ క్రీడల రాష్ట్ర స్థాయి బాస్కెట్ బాల్ పోటీలకు ఏటూరునాగారంకు చెందిన 12 మంది క్రీడాకారులు ఎంపికయ్యారని కోచ్ పర్వతాల కుమార స్వామి తెలిపారు.హైదరాబాద్ సరూర్ నగర్ స్టేడియంలో ఈ నెల 29, 30న జరిగే రాష్ట్ర స్థాయి క్రీడా పోటీల్లో మన్విత, హరిప్రియ, సాయి రష్మిత, సంజన, శ్రీతిజ్ఞత, భరత్ కుమార్, వెంకటసాయి, ఇమ్రాన్, రాజేష్, వర్షిత్ పాల్గొంటారని తెలిపారు.
HNK: క్రీడలతో మానసిక ఉల్లాసం లభిస్తుందని వరంగల్ వెస్ట్ ఎమ్మెల్యే రాజేందర్ రెడ్డి అన్నారు. జేఎన్ఎస్ స్టేడియంలో శనివారం సీఎం కప్ క్రీడా పోటీల కార్యక్రమాన్ని మేయర్ గుండు సుధారాణి, కలెక్టర్ ప్రావీణ్య, ఇతర ప్రజా ప్రతినిధులతో కలిసి ఎమ్మెల్యే పరిశీలించారు. క్రీడారంగ బలోపేతానికి ప్రజా ప్రభుత్వం ప్రత్యేక చర్యలు తీసుకుంటుందని ఎమ్మెల్యే చెప్పుకొచ్చారు.
SRCL: ఎల్లారెడ్డిపేట మండల కేంద్రంలోని గ్రామపంచాయతి ఆవరణలో కాంగ్రెస్ పార్టీ నాయకుల ఆధ్వర్యంలో సీఎంఆర్ఎఫ్ చెక్కులను లబ్ధిదారులకు పంపిణీ చేశారు. పట్టణ అధ్యక్షుడు చెన్ని బాబు ఆధ్వర్యంలో నలుగురు లబ్ధిదారులకు రూ.1,37,000 చెక్కులను అందజేశారు. ఈ కార్యక్రమంలో పట్టణ కాంగ్రెస్ పార్టీ నాయకులు, కార్యకర్తలు తదితరులు పాల్గొన్నారు.
