HYD: నగరంలోని బీజేపీ రాష్ట్ర కార్యాలయంలో చేవెళ్ల ఎంపీ కొండా విశ్వేశ్వర్ రెడ్డి సమక్షంలో RR జిల్లాకు చెందిన 50 మందికి పైగా BRS నాయకులు BJPలోకి చేరారు. వారికి BJP రాష్ట్ర అధ్యక్షులు రాంచందర్ రావు పార్టీ కండువాను కప్పి పార్టీలోకి ఆహ్వానించారు. ఆయన మాట్లాడుతూ.. రాష్ట్రంలో BRS అస్తిత్వం కోల్పోయిందని, ఆపార్టీకి భవిష్యత్ లేదని గ్రహించే BJPలోకి చేరుతున్నారన్నారు.
KNR: సైదాపూర్ మండలంలోని బొమ్మకల్ గ్రామానికి చెందిన ఏలూరు మధుకర్ రెడ్డి కుమార్తె సంగీత వివాహానికి గ్రామ సర్పంచ్ వేముల శ్రీకాంత్ శనివారం రూ.2,000 వివాహ కానుకను అందజేశారు. ఎన్నికల్లో ఇచ్చిన హామీ మేరకు గ్రామంలోని ప్రతి ఆడబిడ్డ పెళ్లికి ఈ ఆర్థిక సాయం అందిస్తున్నట్లు సర్పంచ్ తెలిపారు. ఈ కార్యక్రమంలో వార్డు సభ్యులు అశోక్, రాజు, కుటుంబ సభ్యులు పాల్గొన్నారు.
HYD: ఎండకాలం ప్రారంభంలోనే చికెన్ ధరలు కొండెక్కాయి. శనివారం KG చికెన్ రూ. 325 నుంచి 330 వరకు పలకడం గమనార్హం. ప్రస్తుతం గ్రేటర్ హైదరాబాద్ పరిధిలో కిలో స్కిన్తో కూడిన చికెన్ ధర రూ. 286గా ఉండగా, స్కిన్లెస్ చికెన్ ధర రూ. 325కు చేరుకుంది. వేసవి మొదలులో ఇలా ఉంటే ఏప్రిల్, మే నెలల్లో ధరలు ఇంకెంత పెరుగుతాయోనని చికెన్ ప్రియులు సందేహ పడుతున్నారు.
ADB: గుడిహత్నూర్ మండలంలోని కోలహరి గ్రామంలో బోథ్ MLA అనిల్ జాదవ్ శనివారం పర్యటించారు. ఈ సందర్భంగా గ్రామంలోని సీసీ రోడ్డు, వాకింగ్ ట్రాక్ వంటి పలు అభివృద్ధి పనులకు స్థానిక నాయకులతో కలిసి భూమి పూజ చేసి పనులను ప్రారంభించారు. నియోజకవర్గాన్ని అన్ని విధాలుగా అభివృద్ధి చేసేందుకు తనవంతుల కృషి చేస్తానని అనిల్ జాదవ్ పేర్కొన్నారు.
WNP: తెలంగాణ వ్యవసాయ కార్మిక సంఘం 4వ రాష్ట్ర మహాసభల సన్నాహక సమావేశానికి జిల్లా నాయకులు శనివారం మహబూబ్ నగర్ తరలివెళ్లారు. అంబేద్కర్ కళాభవన్లో జరిగే ఈ సభలో జిల్లా అధ్యక్షుడు ఎస్.అజయ్, సీపీఎం నేతలు మహమూద్, గోపి, కౌన్సిలర్ మాధవి రాజేందర్ తదితరులు పాల్గొని మహాసభలను జయప్రదం చేయాలని పిలుపునిచ్చారు.
NZB: కమ్మర్ పల్లి మండల కేంద్రంలోని జిల్లా పరిషత్ ఉన్నత పాఠశాలలో శనివారం 10వ తరగతి పరీక్షలు జరుగుతున్న పరీక్షా కేంద్రాలను ఎంపీడీవో చింతరాజ శ్రీనివాస్ సందర్శించి పరిశీలించారు. ఈ సందర్భంగా ఎలాంటి అవాంఛనీయ సంఘటనలు జరగకుండా చర్యలు తీసుకోవాలని పాఠశాల పరీక్షల పర్యవేక్షణ అధికారితో పాటు పోలీసు అధికారులకు సూచించారు.
BDK: అశ్వాపురం మండల కేంద్రంలోని మార్కెట్ రోడ్లో శృతి, కార్తీక్లు నూతనంగా ఏర్పాటు చేసిన SS సత్య మొబైల్ షాప్ను అశ్వాపురం సీఐ అశోక్ రెడ్డి శనివారం ఘనంగా ప్రారంభించారు. ఈ సందర్భంగా షాప్ యజమాని అతిథులను ఆహ్వానించి శుభాకాంక్షలు అందుకున్నారు. సీఐ మాట్లాడుతూ.. ఆధునిక సాంకేతిక పరిజ్ఞానం రోజువారీ జీవితంలో ఎంతో ముఖ్యమైందని తెలిపారు.
RR: పహాడీషరీఫ్లో ఈ-వ్యర్థాల తొలగింపును జీహెచ్ఎంసీ కమిషనర్ ఆర్ వి. కర్ణన్ పరిశీలించారు. అనంతరం ఈద్గాను సందర్శించి ప్రాంగణం, పరిసర ప్రాంతాలలో పారిశుద్ధ్య పరిస్థితులను సమీక్షించారు. రాబోయే రంజాన్ పండుగ దృష్ట్యా ఈద్గాను సందర్శించే భక్తులకు సరైన పారిశుద్ధ్యం, ప్రజా సౌకర్యాన్ని నిర్ధారించడానికి అవసరమైన అన్ని ఏర్పాట్లు చేయాలని అధికారులను ఆదేశించారు.
WGL: రైతులకు నాణ్యమైన విత్తనాలు అందిస్తేనే డీలర్స్ను ఎక్కువగా నమ్ముతారని, రాష్ట్రాభివృద్ధిలో డీలర్స్ పాత్ర కీలకమని ఫర్టిలైజర్స్, పెస్టిసైడ్స్& సీడ్స్,డీలర్స్ వెల్ఫేర్ అసోసియేషన్ రాష్ట్ర అధ్యక్షులు నాగుర్ల వెంకటేశ్వర్లు అన్నారు. శివనగర్లో నేడు అసోసియేషన్ ఆధ్వర్యంలో ప్రత్యేక కార్యక్రమం నిర్వహించారు. ఈ సందర్బంగా నూతన రాష్ట్ర కార్యవర్గాన్ని సన్మానించారు.
KNR: ఆర్టీసీ KNR రీజియన్లోని టెక్నికల్, నాన్ టెక్నికల్ గ్రాడ్యుయేట్లు, డిప్లొమా అప్రెంటిషిప్కు FEB 24, 2026 వరకు వెబ్సైట్లో నమోదు చేసుకున్న అభ్యర్థులకు మెరిట్ ఆధారంగా FEB 17న ఇంటర్వ్యూలు నిర్వహిస్తున్నట్లు ఆర్టీసీ KNR RM బి.రాజు తెలిపారు. ఎంపికైన అభ్యర్థులు కరీంనగర్ ఆర్టీసీ కార్యాలయంలో జరిగే ఇంటర్వ్యూలకు ఒరిజినల్ సర్టిఫికెట్లుతో హాజరు కావాలన్నారు.
NLG: చిట్యాల మండలం పెద్దకాపర్తి జిల్లా పరిషత్ ఉన్నత పాఠశాల ప్రహరీ గోడను గుర్తుతెలియని వాహనం ఢీకొట్టింది. ఈ ఘటనలో గోడ ధ్వంసం కాగా, సుమారు రూ.70 వేల నష్టం వాటిల్లిందని హెచ్ఎం శ్రీధర్ తెలిపారు. పాఠశాల వద్ద సీసీ కెమెరాలు లేకపోవడంతో, సర్వీస్ రోడ్డులోని షాపులో కెమెరాలను పరిశీలిస్తున్నారు. ఈ ఘటనపై పోలీసులకు ఫిర్యాదు చేయనున్నట్లు హెచ్ఎం పేర్కొన్నారు.
ASF: దహెగాం మండలంలోని కర్జి గ్రామానికి చెందిన కాటెల కమలాకర్ను తహాసీల్దార్ మునవార్ షరీఫ్ ఎదుట బైండోవర్ చేసినట్లు ఎస్సై విక్రమ్ శనివారం ప్రకటనలో తెలిపారు. గ్రామంలో మద్యం తాగి గొడవలకు పాల్పడుతున్నందున సత్ప్రవర్తన కోసం బైండోవర్ చేశామని పేర్కొన్నారు. మరోసారి గొడవలకు పాల్పడితే రూ.లక్ష జరిమానాతోపాటు జైలుకు పంపిస్తామని హెచ్చరించారు.
WGL: గ్రేటర్ వరంగల్ మున్సిపల్ కార్పొరేషన్ పరిధిలో గత రెండేళ్లుగా ఆస్తి పన్ను చెల్లించని 19 వేల మొండి బకాయిదారులకు ఆర్పీల ద్వారా అధికారులు రెడ్ నోటీసులు పంపిణీ చేస్తున్నారు. ఈ నెలాఖరుతో పన్ను చెల్లింపు గడువు ముగుస్తున్న నేపథ్యంలో కార్పొరేషన్ అధికారులు మెప్మా ఆర్పీల సేవలను తీసుకుని బకాయిదారుల ఇంటికి వెళ్లి నోటీసులు అందజేస్తూ సంతకాలు తీసుకుంటున్నారు.
GDWL: చిన్నారులను ప్రాణాంతక వ్యాధుల నుంచి రక్షించేందుకు సకాలంలో టీకాలు వేయించాలని హెల్త్ సూపర్వైజర్ సుబ్బలక్ష్మి సూచించారు. శనివారం గద్వాల పాత డీఎంహెచ్వో కార్యాలయంలో టీకాల కార్యక్రమం నిర్వహించారు. పుట్టినప్పటి నుంచి టీకాలు వేయించడం ద్వారా పోలియో, టీబీ, హెపటైటిస్-బి వంటి వ్యాధులను అరికట్టవచ్చని ఆమె పేర్కొన్నారు.
NGKL: ఉప్పునుంతల మండలంలోని తిప్పాపూర్ గ్రామ పంచాయతీ భవన నిర్మాణ పనులకు సర్పంచ్ రాజపుత్ర మహేశ్ సింగ్ శనివారం భూమి పూజ చేశారు. భవన స్లాబ్ నిర్మాణ పనులను వార్డు సభ్యులతో కలిసి పరిశీలించిన ఆయన, పనులు అత్యంత నాణ్యతతో ఉండాలని కాంట్రాక్టర్లను ఆదేశించారు. ఈ కార్యక్రమంలో ఉప సర్పంచ్ చంద్రయ్య యాదవ్, వార్డు సభ్యులు పాల్గొన్నారు.
