HYD: న్యూ ఇయర్ వేడుకలకు పోలీసులు కట్టుదిట్టమైన ఏర్పాట్లు చేస్తున్నారు. గత ఏడాది అనుభవాల దృష్ట్యా.. అతివేగంతో వాహనాలు దూసుకెళ్లే ప్రమాదం పొంచి ఉండటంతో నగరంలోని అన్ని ఫ్లై ఓవర్లు బంద్ చేయాలని నిర్ణయించారు. ఈ క్రమంలో డిసెంబర్ 31న రాత్రి 10 గంటల తర్వాత ద్విచక్ర వాహనాలు, వాణిజ్య వాహనాలకు ఫ్లై ఓవర్ల మీదకు అనుమతి ఉండదు.
MDK: కౌడిపల్లి మండలం తునికి నల్ల పోచమ్మ దేవాలయంలో నేడు ప్రత్యేక పూజలు నిర్వహించారు. సోమవారం పురస్కరించుకొని అమ్మవారికి ఉదయం పంచామృతాలతో అభిషేకాలు, అష్టోత్తర నామాలతో పూజా కార్యక్రమం నిర్వహించారు. రంగురంగుల పూలమాలలు, పట్టు వస్త్రాలతో అమ్మవారిని అందంగా అలంకరించి, ధూప దీప నైవేద్యాలు సమర్పించి భక్తులకు దర్శనం కల్పిస్తున్నారు.
NLG: శాలిగౌరారం 102 జీవోకు విధానాలు రాష్ట్ర ప్రభుత్వం సీఎం రేవంత్ రెడ్డి ప్రకటించడంతో రజకులకు మేలు జరుగుతుందని తెలంగాణ రజక ఉద్యోగుల సంఘం రాష్ట్ర ప్రధాన కార్యదర్శి అంజయ్య సోమవారం ఓ ప్రకటనలో తెలిపారు. రాష్ట్రంలోని ప్రభుత్వ సంస్థల్లో దోబి సంబంధించిన కాంట్రాక్ట్‌లన్ని రాష్ట్రానికి సంబంధించిన రజకులకు మాత్రమే కేటాయించాలని 102 జీవో ఉద్దేశ్యం అన్నారు.
MDK: జిల్లా వ్యాప్తంగా డిసెంబర్ 31న విస్తృతంగా డ్రంక్ అండ్ డ్రైవ్ పరీక్షలు ఉంటాయని ఎస్పీ ఉదయ్ కుమార్ తెలిపారు. సంతోషాల నడుమ నూతన సంవత్సర వేడుకలు నిర్వహించుకుందామన్నారు. నూతన సంవత్సరం వేడుకల సందర్భంగా డీజేలు, అధిక శబ్దం వచ్చే బాక్స్‌లు వినియోగిస్తే ఉపేక్షించేది లేదని హెచ్చరించారు. మైనర్లు వాహనాలు నడుపుతూ పట్టుబడితే వారికి వాహనాలు పై వారిపై కేసు నమోదు చేశారు.
NZB: నందిపేట్ మండలం బజార్ కొత్తూరు గ్రామంలో CMRF చెక్కులను సోమవారం పంపిణీ చేశారు. గ్రామానికి చెందిన పల్లికొండ సుమలతకు రూ.16 వేల చెక్కును కాంగ్రెస్ నాయకులు అందజేశారు. లబ్ధిదారులు కాంగ్రెస్ నాయకులు, ప్రభుత్వానికి ధన్యవాదాలు తెలిపారు. ఈ కార్యక్రమంలో నాయకులు ఆకుల లక్ష్మి నారాయణ, గోపు ముత్యం, నర్సయ్య, రాజు, గజేందర్ తదితరులు పాల్గొన్నారు.
SRPT: రాష్ట్రంలోనే అతిపెద్ద రెండో జాతర దురాజ్‌పల్లి (పెద్దగట్టు) జాతర. ఈ జాతర ప్రతి రెండేళ్లకోసారి జరుగుతుంది. వచ్చే ఏడాది ఫిబ్రవరి 16 నుంచి 20 వరకు 5 రోజుల పాటు వైభవంగా జరగనుంది. మొదటి రోజు దేవరపెట్టే తరలింపు, 2వ రోజు కంకణ అలంకరణలు, 3వ రోజు స్వామివారి చంద్రపట్నం, 4వ రోజు దేవరపెట్టే కేసారం తరలింపు, 5వ రోజు మకరతోరణం తొలగింపుతో జాతర ముగుస్తుంది.
మెదక్: చిన్న శంకరంపేటలో గంజాయి విక్రయాలు జోరుగా కొనసాగుతున్నాయి. ఈనెల 28న బీహార్‌కు చెందిన రాజేశ్ వద్ద 190 గ్రాముల గంజాయి స్వాధీనం చేసుకుని కేసు నమోదు చేసిన విషయం తెలిసిందే. కాగా, ఈ నెలలో చిన్న శంకరంపేట పరిశ్రమ వద్ద బీహార్‌కు చెందిన సూరజ్ అనే వ్యక్తి నుంచి ఇద్దరు వ్యక్తులు గంజాయి కొనుగోలు చేయగా జిల్లా టాస్క్ ఫోర్స్ అధికారులకు పట్టుబడ్డారు.
WGL: వరంగల్ శ్రీ భద్రకాళి దేవస్థానంలో సోమవారం ఆలయ అర్చకులు ఉదయాన్నే శ్రీ భద్రకాళి అమ్మవారికి ప్రత్యేక అలంకరణ చేసి విశేష పూజలు నిర్వహించారు. ఈ సందర్భంగా భక్తులు అమ్మవారికి ప్రత్యేక పూజలు చేసి దర్శించుకుని తీర్థ ప్రసాదాలు స్వీకరించారు.
NZB: ఆర్మూర్ శ్రీరాంసాగర్ ప్రాజెక్టు నీటిమట్టం స్వల్పంగా తగ్గింది. ఎగువనుంచి ఇన్‌ఫ్లో రాకపోవడం, దిగువకు నీటిని వదులుతుండడంతో నిల్వ తగ్గుతోంది. ప్రాజెక్టుపూర్తి నీటి సామర్థ్యం 1091 అడుగులు(80.5TMC)కాగా ప్రస్తుతం 1090 అడుగుల(76.894TMC) నీరు నిల్వ ఉంది.8098 క్యూసెక్కుల నీటిని తాగు, సాగునీటి అవసరాల నిమిత్తం వదులుతున్నట్లు ఎగ్జిక్యూటివ్ ఇంజినీర్ కొత్తరవి తెలిపారు.
SDPT: ములుగు మండలం దండిగూడెం గ్రామ శివారు పరిధిలో మెదక్ జిల్లా మనోహరాబాద్ మండలం కోనాయిపల్లి(పీటీ) గ్రామానికి చెందిన చెట్టి పృథ్వీరాజ్ కొండాపూర్ అనుమానస్పదంగా మృతి చెందాడు. రాత్రి 11 గంటల సమయంలో హత్య చేసి రోడ్డుపైన వేసినట్లు కుటుంబ సభ్యులు ఆరోపిస్తున్నారు. పోలీసులు దర్యాప్తు చేస్తున్నారు. పూర్తి వివరాలు తెలియాల్సిఉంది.
SRD: గుమ్మడిదల మండలం బొంతపల్లి కమాన్ ప్రధాన రహదారిపై అఖిలపక్షం నాయకులు బైఠాయించి నిరసన తెలిపారు. బీఆర్ఎస్ పార్టీ రాష్ట్ర నాయకులు చిమ్ముల గోవర్ధన్ రెడ్డి మాట్లాడుతూ.. గుమ్మడిదల మండలాన్ని మున్సిపాలిటీగా మార్చొద్దంటూ రాస్తా రోకో నిర్వహించి నిరసన తెలిపారు. ప్రభుత్వం మున్సిపాలిటీ నిర్ణయాన్ని మార్చుకోవాలని, లేదంటే పెద్ద ఎత్తున ఆందోళన చేస్తామన్నారు.
ఖమ్మం: నిరంతర విద్యుత్ సరఫరా కోసం రూపొందించిన సమ్మర్ యాక్షన్ ప్లాన్ పనులు ప్రారంభమయ్యాయి. ఖమ్మం నగరంలోని పలు సబ్ స్టేషన్ల పరిధిలోని ఫీడర్లలో ట్రాన్స్ ఫార్మర్లలో తలెత్తుతున్న సమస్యలను గుర్తించి పరిష్కరించే పనిలో విద్యుత్ యంత్రాంగం నిమగ్నమైంది. ఆదివారం నగరంలో నిర్వహించిన సమ్మర్ యాక్షన్ ప్లాన్ పనులను ఎస్ఈ ఎ. సురేందర్ పర్యవేక్షించారు.
MBNR: అడ్డాకుల మండలంలోని వివిధ గ్రామాలలో రైతులు వరి సాగుకు మొగ్గు చూపుతున్నారు. దీంతో రైతుల ట్రాక్టర్లతో వరి నారుమడులను సిద్ధం చేస్తున్నారు. వరినాట్లు ఇప్పటికే ఆలస్యమైనట్లు పలువురు రైతులు అన్నారు. వేరుశనగ పంట తీసే సమయంలో కూలీల కొరత ఏర్పడుతుందన్నారు. ప్రస్తుతం కూలీల సమస్య ఏర్పడిందని ముందు ముందు ఈ సమస్య ఎక్కువ అయ్యే అవకాశం ఉందన్నారు.
WGL: కొన్ని రోజులుగా ములుగు, వరంగల్, మహబూబాబాద్ జిల్లాలో సంచరిస్తున్న పెద్ద పులి పాకాల అభయారణ్యంలోకి వెళ్లింది. మూడేళ్ల కిందట పాకాల అడవిలోకి వచ్చిన పులి.. మళ్లీ ఇప్పుడు వచ్చిందని అధికారులు గుర్తించారు. నల్లబెల్లి, నర్సంపేట, ఖానాపురం మీదుగా పాకాల అడవిలోకి వెళ్లినట్లు నిర్ధారించారు. పులి అడవిలోకి వెళ్లడంతో ఇప్పుడు ఆందోళన చెందాల్సిన అవసరం లేదన్నారు.
NGKL: కల్వకుర్తిలోని ఐసీడీఎస్ కార్యాలయంలో నేడు ఉదయం 10 గంటలకు వంగూరు సెక్టార్ అంగన్వాడి టీచర్లకు సెక్టార్ సమావేశం నిర్వహిస్తున్నట్లు వంగూర్ అంగన్వాడి సూపర్వైజర్ దేవమ్మ తెలిపారు. ఈ సమావేశానికి వంగూర్ సెక్టార్ అంగన్వాడి టీచర్లు తప్పనిసరిగా హాజరు కావాలని ఆదేశించారు. అవసరమైన నివేదికలు తీసుకొని రావాలని కోరారు.
