మంత్రి కేటీఆర్ (Minister KTR) కేంద్రంపై ట్విటర్ వేదికగా మరోసారి విరుచుకుపడ్డారు. లోక్ సభ (Lok Sabha) స్థానాల డిలిమిటేషన్ తో దక్షిణాది రాష్ట్రాలకు తీవ్రమైన అన్యాయం జరుగుతుందని కేటీఆర్ తెలిపారు. జనాభా ప్రతిపాదికన 2026 తర్వాత లోక్ సభ స్థానాల డిలిమిటేషన్ చేస్తున్నట్లు కేంద్రం ప్రకటించిందన్నారు.అధిక జనాభాతో సతమతమవుతున్న దేశాన్ని కాపాడుకునేందుకు, జనాభా నియంత్రణ పద్ధతులు పాటించాలని దశాబ్దాల నుంచి కేంద్రం చెబుతున్న మాటలను విధానాలను నమ్మి ప్రగతిశీల విధానాలతో జనాభా నియంత్రణ చేసిన దక్షిణాది రాష్ట్రాలు అన్యాయానికి గురయ్యే అవకాశం ఉందన్నారు.
చదవండి : Uttarakhand : హరిద్వార్‌కు రెజ్లర్లు.. అడ్డుకున్న పోలీసులు
ప్రగతిశీల విధానాలతో ముందుకు పోతున్న దక్షిణాది రాష్ట్రాలు ఈ నూతన డిలిమిటేషన్ (Delimitation) తో తక్కువ లోక్ సభ స్థానాలు పొందడం అన్యాయం, బాధాకరమని వెల్లడించారు. మరోవైపు కేంద్ర ప్రభుత్వ విజ్ఞప్తులను పట్టించుకోకుండా జనాభా నియంత్రణ చేయని రాష్ట్రాలు, ముఖ్యంగా ఉత్తరాది రాష్ట్రాలు లోక్సభ సీట్ల పెంపులో లబ్ధి పొందుతున్నాయని ఇది దురదృష్టకరమన్నారు. జనాభాను కేరళ (Kerala) , తమిళనాడు, ఆంధ్ర ప్రదేశ్, కర్ణాటక, తెలంగాణ (Telangana) రాష్ట్రాలు నియంత్రించాయని, తమ ప్రగతిశీల విధానాలకు శిక్షించబడుతున్నాయన్నారు.కేవలం జనాభా నియంత్రణ మాత్రమే కాకుండా అన్ని రకాల మానవాభివృద్ధి సూచీల్లోనూ దక్షిణాది రాష్ట్రాలు ముందు వరుసలో ఉన్నాయని, కేవలం 18 శాతం జనాభా కలిగిన దక్షిణాది రాష్ట్రాలు (Southern states) 35శాతం జాతీయ స్థూల జాతీయోత్పత్తికి నిధులు అందిస్తున్నాయన్నారు.
చదవండి : TDP మినీ మేనిఫెస్టో ట్రైలరే.. సినిమా ముందు ఉంది: గంటా
