BJP Mla Raja Singh Slams Congress Guarantees
Rajasingh: భారత రాజ్యంగ నిర్మాత బీఆర్ అంబేద్కర్(BR Ambedkar) గొప్పతనాన్ని ప్రపంచానికి చాటిన వ్యక్తి ప్రధాని నరేంద్ర మోడీ(Narendra Modi) అని బీజేపీ ఎమ్మెల్యే రాజాసింగ్(Raja Singh) పేర్కొన్నారు. తెలంగాణలో అవినీతి పాలన అంతం అయిందని తెలిపారు. ప్రస్తుతం కాంగ్రెస్ అధికారం చేపట్టినా కేసీఆర్ చేసిన అప్పులను తీర్చలేక చేతులెత్తస్తారని జోస్యం చెప్పారు. ఆ తరువాత తెలంగాణలో బీజేపీ ప్రభుత్వంలోకి వస్తుందని వెల్లడించారు. అంబేద్కర్ వర్ధంతి సందర్భంగా నాంపల్లిలోని బీజేపీ జాతీయ కార్యలయంలో ఆయన ఫోటోకు నివాళ్లు అర్పించారు. ఈ సందర్భంగా రాజాసింగ్ మాట్లాడారు. అంబేద్కర్‌ను అన్ని వర్గాల ప్రజలు స్మరించుకుంటున్నారని, రాష్ట్రంలో రావణ రాజ్యం అంతమైందన్నారు. దళితులను కేసీఆర్ మోసం చేశాడని, బీజేపీ వత్తిడితోనే అంబేద్కర్ విగ్రహం పెట్టారన్నారు. రాజ్యాంగాన్ని మార్చాలి అన్న కేసీఆర్‌నే మార్చారని వివరించారు. కాంగ్రెస్ కూడా ఏనాడు అంబేద్కర్‌ను గౌరవించలేదని, ఎన్నికల్లో గెలవడం కోసం సాధ్యం కాని హామీలు ఇచ్చారని, ఆరు పథకాలను అమలు చేయలేరని తెలిపారు. అంబేద్కర్ ఆశయాలను సాధించడంలో బీజేపీ పాటుపడుతుందని రాజాసింగ్ వెల్లడించారు.
చదవండి:Revanth ప్రమాణ స్వీకారం.. కేసీఆర్, చంద్రబాబుకు ఆహ్వానం
