దక్షిణ మధ్య రైల్వే తమ ప్రయాణికులకు బ్యాడ్ న్యూస్ చెప్పింది. తమ పరిధిలోని విజయవాడ డివిజన్‌లో భద్రతాపరమైన పనులు నిర్వహిస్తున్నందున పలు రైళ్లను రద్దు చేసింది. ఆ మార్గంలో ప్రయాణించే పలు రైళ్లను అధికారులు రద్దు చేయడంతో ప్రయాణికులు లబోదిబోమంటున్నారు. అదేవిధంగా మరికొన్ని రైళ్లను కూడా పాక్షికం రద్దు చేసినట్లు రైల్వే శాఖ ప్రకటించింది. కొన్నింటిని దారి మళ్లించినట్లు వెల్లడించింది.
చదవండి: Hyderabad: హైవేపై నాలుగు వాహనాలు ఢీ.. భారీగా ట్రాఫిక్ జామ్!
ఆగస్టు నెల 14వ తేది నుంచి 20వ తేదీ వరకు కాకినాడ-విశాఖపట్నం ప్యాసింజర్ స్పెషల్, విశాఖపట్నం-కాకినాడ ప్యాసింజర్ స్పెషల్, రాజమండ్రి-విశాఖపట్నం స్పెషల్ ప్యాసింజర్, విశాఖపట్నం- రాజమండ్రి స్పెషల్ ప్యాసింజర్, విశాఖపట్నం-విజయవాడ ఉదయ్ ఎక్స్ ప్రెస్, విజయవాడ-విశాఖపట్నం ఉదయ్ ఎక్స్‌ప్రెస్‌ రైళ్లను రైల్వే శాఖ రద్దు చేసింది. 15వ తేది నుంచి 21వ తేది మధ్య విశాఖపట్నం-గుంటూరు సింహాద్రి ఎక్స్‌ప్రెస్‌, గుంటూరు-విశాఖపట్నం సింహాద్రి ఎక్స్‌ప్రెస్‌ను దక్షిణ మధ్య రైల్వే రద్దు చేసినట్లు ప్రకటించింది.
చదవండి: Hakimpet Sports School: లైంగిక వేధింపులు..మంత్రి చర్యలు
ఆగస్టు 14, 15వ తేదీల్లో ఎర్నాకుళం నుంచి పాట్నాకు వెళ్లే ఎక్స్‌ప్రెస్‌ను, 16, 18వ తేదీల్లో ఎస్‌వీఎం బెంగళూరు నుంచి గౌహతి ఎక్స్‌ప్రెస్‌, 13వ తేది నుంచి 20వ తేదీ వరకూ కోయంబత్తూరు-సిల్చార్‌ ఎక్స్‌ప్రెస్‌ను దారి మళ్లించినట్లుగా రైల్వే శాఖ వెల్లడించింది. మరో ముఖ్యమైన విషయం ఏంటంటే విజయవాడ, గుడివాడ, భీమవరం, నిడదవోలు మార్గంలో కాకుండా విజయవాడ, ఏలూరు, నిడదవోలు మార్గంలో రైళ్లను నడపనున్నట్లు రైల్వే శాఖ తెలిపింది.
