వన్డే ప్రపంచ కప్ ఫైనల్ మ్యాచ్ (World Cup 2023 Final Match) కు సర్వం సిద్దమైంది.అహ్మదాబాద్‌లోని నరేంద్ర మోదీ స్టేడియం వేదికగా మధ్యాహ్నం 2 గంటలకు భారత్-ఆసీస్ మధ్య క్రీడా సంగ్రామం జరుగనుంది. ఈ మ్యాచ్ కోసం ప్రపంచ వ్యాప్తంగా అభిమానులు ఎంతో ఉత్కంఠగా ఎదురుచూస్తున్నారు. అయితే, వాతావరణం (Weather) ఎలా ఉండబోతోందో? అన్న టెన్షన్ సర్వత్రా నెలకొంది. ఈ అంశంపై వాతావరణ శాఖ క్లారిటీ ఇచ్చింది. ఈ రోజు వర్షం పడే సూచనలు ఏమీ లేవని భరోసా ఇచ్చింది. వాతావరణం ప్రశాంతంగా ఉండటంతో పాటూ ఉష్ణోగ్రత 32 డిగ్రీల మేర ఉండొచ్చని తెలిపింది.మంచు ప్రభావం కీలకమవుతుంది.
చదవండి : World Cup కోసం రెండేళ్ల నుంచి సన్నాహాలు: రోహిత్ శర్మ
ఈ టోర్నీలో జరిగిన నాలుగు మ్యాచ్‌ల్లో మూడింటిని ఛేజింగ్‌ జట్లే గెలిచాయి. ఈ ఫైనల్ నల్లమట్టి పిచ్‌పై జరుగనుంది. దీంతో బంతి తక్కువ బౌన్స్‌ అవడంతో పాటు చక్కటి టర్న్‌ లభించనుంది. తొలి ఇన్నింగ్స్‌ సగటు స్కోరు 251 మాత్రమే. వేడి ఉష్ణోగ్రత ఉండడంతో వర్షానికి చాన్స్‌ లేదు.నెలన్నర రోజులుగా భారత్ (India)లో సాగుతున్న వన్డే వరల్డ్‌క్‌పనకు సూపర్‌ సండేతో శుభం కార్డు పడనుంది. అంచనాలకు తగ్గట్టుగానే భారత క్రికెట్‌ జట్టు టైటిల్‌ పోరుకు అర్హత సాధించగా.. ఆస్ట్రేలియా జట్టు సైతం అద్భుత ప్రదర్శనతో సవాల్‌ విసిరేందుకు సిద్ధమైంది. ఈ రెండు జట్ల మధ్య స్థానిక నరేంద్ర మోదీ స్టేడియం(Narendra Modi Stadium)లో ఆదివారం ఫైనల్ ఫైట్‌ జరుగబోతోంది.
చదవండి : Rohit హిట్టింగ్‌కు కారణం అదే.. నేహ్రా విశ్లేషణ
గెలిచిన జట్టు సగర్వంగా పదమూడో ఐసీసీ వన్డే వరల్డ్‌కప్‌ ట్రోఫీని ముద్దాడుతుంది. అయితే ఆస్ట్రేలియా (Australia) ఇప్పటికే 1987, 1999, 2003, 2007, 2015లలో విశ్వ విజేతగా నిలవగా.. టీమిండియా 1983, 2011ల్లో మాత్రమే కప్‌ను అందుకుంది. ఇక వరల్డ్‌కప్‌ ఫైనల్లో ఇరు జట్లు తలపడడం ఇది రెండోసారి. తొలిసారి 2003లో తలపడగా పాంటింగ్‌ (Ponting) నేతృత్వంలోని ఆసీస్ కప్ కొట్టేసింది. అప్పుడు ఓడిన జట్టులో ఉన్న ద్రవిడ్‌ శిష్యరికంలోనే నేడు భారత్ బదులు తీర్చుకోవాలనుకుంటోంది. తాజా వరల్డ్‌ కప్‌లో భారత జట్టు అహ్మదాబాద్‌లో పాక్‌తో మ్యాచ్ ఆడి గెలవగా.. ఆసీస్ జట్టు ఇంగ్లండ్‌పై ఆడి గెలిచింది.
చదవండి : Gautam Gambhir: ఫైనల్ మ్యాచ్‌లో గేమ్ ఛేంజర్ అతడే!
