ఓ టెంపో(tempo)లో తన కుటుంబంతో సహా వెళుతున్న క్రమంలో ఘోర ప్రమాదం చోటుచేసుకుంది. అక్రమంగా ఇసుక రవాణా చేస్తున్న ఓ ట్రాక్టర్(Tractor) వచ్చి టెంపోను బలంగా ఢీకొట్టడంతో భర్త సహా ముగ్గురు చిన్నారులు మృత్యువాత చెందారు. మరోవైపు అతని భార్యకు కూడా తీవ్ర గాయాలు కావడంతో ఆమెను స్థానిక ఆస్పత్రికి తరలించి చికిత్స అందిస్తున్నారు. ఈ విషాద ఘటన రాజస్థాన్(Rajasthan)లోని అల్వార్(Alwar) జిల్లాలోని కతుమర్ ప్రాంతంలో గురువారం రాత్రి చోటుచేసుకుంది.
యజమాని తన కుటుంబ సభ్యులతో కలిసి ఇంటికి వెళ్తుండగా కతుమర్ ప్రాంతంలో టెంపోను ట్రాక్టర్ ఢీకొట్టింది(accident). టెంపోలో బాధితులు స్థానికులు కావడంతో ఆ ప్రాంత వాసులు యాక్సిడెంట్ చేసిన ట్రాక్టర్ డ్రైవర్ సహా ఇతరులపై దాడి చేశారు. దీంతోపాటు ముగ్గురు చిన్నారుల మృతికి కారణమైన వారి ట్రాక్టర్ ను స్థానికులు ఆగ్రహంతో తగులబెట్టారు. విషయం తెలుసుకున్న పోలీసులు ఘటనా స్థలానికి చేరుకుని కేసు నమోదు చేసి దర్యాప్తు చేస్తున్నారు. మరోవైపు స్థానికులు మృతదేహాలను రోడ్డుపై ఉంచి ఆందోళన నిర్వహించారు. గొడవ కారణంగా మృతదేహాలను మార్చురీకి ఆలస్యంగా తరలించినట్లు అధికారులు వెల్లడించారు.
చదవండి: Educate Pm కావాలి.. కేజ్రీవాల్‌కు మద్దతు పలికిన సిసోడియా
