Mangoes On EMI: ఇప్పటి వరకు మనం ఎలక్ర్టానిక్ వస్తువులు నెలవారీ ఈఎంఐలో తీసుకుని ఉంటాం. మహారాష్ట్రలో ఓ వ్యాపారి వినూత్నంగా మామిడి పండ్లు కూడా ఈఎంఐలో అమ్ముతానని ప్రకటించాడు. వేసవి అనగానే ఠక్కున గుర్తుకు వచ్చేది మామిడి పండ్లు. ప్రతీ ఒక్కరు మామిడి పండ్లను తినాలని చూస్తుంటారు. ఎందుకంటూ మామిడికున్న క్రేజ్ అలాంటిది పైగా అది ‘పండ్లలో రాజు’ . మామిడిలో చాలా రకాలున్నాయి. కొన్ని రకాలు వరల్డ్ ఫేమస్. ఆ కేటగిరిలోదే ఆల్పోన్సో మామిడి రకం. మహారాష్ట్రలోని సింధ్ దుర్గ్ జిల్లా దేవ్ ఘర్, రత్నగిరి జిల్లాలో దొరకే ఆల్ఫాన్సో రకం మామిడి పండ్లను అమ్మేందుకు పూణేకు చెందిన గురు కృప ట్రేడర్స్ యజమాని గౌరవ్ సనాస్ వినూత్న ఆలోచన చేశారు.
చదవండి :బందీపూర్ పార్క్ లో ప్రధాని మోదీ సఫారీ.. వీడియో వైరల్
మాములుగా ఆల్పోన్సో మామిడి ధర చాలా ఎక్కువ. కేవలం ఒక డజన్ మామిడి పండ్లకే రూ.500-1300 మధ్య ఉంటుంది. మామిడి ప్రియులు ధర చూసి కొనేందుకు వెనకడుగు వేస్తున్నారు. అలాంటి వారి కోసమే పూణే వ్యాపారి ఈఎంఐ పద్దతిని తీసుకువచ్చారు. కోవిడ్-19 మహమ్మారి కారణంగా గత 2-3 ఏళ్లలో మార్కెట్లు కుప్పకూలాయి. గౌరవ్ సనాస్ తమ దుకాణంలో దొరికే మామిడి పండ్లను క్రెడిట్ కార్డు ద్వారా ఈఎంఐ పద్దతిలో కొనుగోలు చేయవచ్చని ప్రకటించారు. రూ. 5000 అంత కన్నా ఎక్కువ విలువ చేసే పండ్లు కొనుగోలు చేస్తే మాత్రమే ఈ సదుపాయం ఉందని గౌరవ్ వెల్లడించారు. ఈఎంఐ పద్దతిలో మూడు, ఆరు, 12 నెలల వారీగా వాయిదాల్లో చెల్లించే వెసులుబాటును కల్పించారు.
