ప్రధాని మోదీ నేడు తెలంగాణ రాష్ట్రానికి రాబోతున్నారు. ఈరోజు మ‌ధ్యాహ్నం 12:25 గంట‌ల‌కు విశాఖ నుంచి బ‌య‌లుదేరి మ‌ధ్యాహ్నం 1:30 గంట‌ల‌కు హైదరాబాద్‌లోని బేగంపేట్ ఎయిర్‌పోర్ట్‌కు చేరుకుంటారు. మ‌ధ్యాహ్నం 1:40 గంట‌ల నుంచి 2 గంట‌ల వ‌ర‌కు బేగంపేట్ ఎయిర్‌పోర్ట్‌లో ప్రధాని స్వాగ‌త స‌భ జ‌రుగుతుంది.
ఈ స‌భ అనంత‌రం బేగంపేట నుంచి మ‌ధ్యాహ్నం 2:15 గంట‌ల‌కు బ‌య‌లుదేరి రామ‌గుండం వెళ్తారు. మ‌ధ్యాహ్నం 3:30 గంట‌ల నుంచి 4 గంట‌ల వ‌ర‌కు రామ‌గుండంలోని ఎరువుల క‌ర్మాగారాన్ని విజిట్ చేయ‌నున్నారు. అక్క‌డి అధికారుల‌తో చ‌ర్చించ‌నున్నారు. అనంత‌రం సాయంత్రం 4:15 గంట‌ల నుండి 5:15 గంట‌ల వ‌ర‌కు రామ‌గుండంలోని ఎన్టీపీసీ మైదానంలో జ‌రిగే బ‌హిరంగ స‌భ‌లో ప్రధాని మోదీ పాల్గొంటారు.
ఈ స‌భావేదిక నుంచే వివిధ ప్రాజెక్టుల‌కు సంబంధించిన ప్రారంభోత్స‌వాలు, శంకుస్థాప‌న‌లు చేయ‌నున్నారు. ఈ కార్య‌క్ర‌మం ముగిసిన త‌రువాత సాయంత్రం 5:30 గంట‌ల‌కు రామ‌గుండం నుంచి బ‌య‌లుదేరి బేగంపేట్ ఎయిర్‌పోర్ట్‌కు చేరుకుంటారు. సాయంత్రం 6:40 గంట‌ల‌కు ప్రధాని మోదీ ఢిల్లీకి ప‌య‌న‌మౌతారు. ప్రధాని మోదీ ప‌ర్య‌ట‌న సంద‌ర్భంగా న‌గ‌రంలో ఆంక్ష‌లు విధించారు. ముఖ్యంగా బేగంపేట్ లో ఆంక్ష‌లు కొన‌సాగ‌నున్నాయి.
