Asia Cup 2023: ఆసియా కప్-2023లో భారత్-పాకిస్థాన్ మధ్య జరుగుతున్న మ్యాచ్ వర్షం కారణంగా రద్దు కావడంతో ఇరు జట్లు ఒక్కో పాయింట్ దక్కింది. శనివారం పల్లెకెలెలో జరిగిన మ్యాచ్‌లో భారత్ ఇన్నింగ్స్ తర్వాత మళ్లీ మ్యాచ్ ప్రారంభం కాలేదు. మ్యాచ్ ప్రారంభం కాకముందే వర్షం కురిసి పాక్ ఇన్నింగ్స్ ఆడకముందే మ్యాచ్ ముగిసింది. భారత ఇన్నింగ్స్ ముగిసిన వెంటనే మళ్లీ వర్షం కురిసి చాలా సేపు నిలిచి మ్యాచ్ ఆడేందుకు పరిస్థితులు అనుకూలించక పోవడంతో మ్యాచ్‌ను రద్దు చేయాలని అంపైర్లు నిర్ణయించారు. ఇప్పుడు భారత్ తన తదుపరి మ్యాచ్‌ని సోమవారం నేపాల్‌తో ఆడాల్సి ఉంది. ఈ మ్యాచ్ కూడా వర్షం కారణంగా జరగడం డౌటే అనిపిస్తోంది.
చదవండి:World Cup 2023: వరల్డ్ కప్ కోసం 15మందితో భారత జట్టు ఎంపిక.. ఆ ముగ్గురికి దక్కని చోటు
భారత్-పాక్ మధ్య మ్యాచ్ రద్దు కావడంతో ఇరు జట్లు ఒక్కో పాయింట్ పంచుకోవాల్సి వచ్చింది. దీని తర్వాత పాకిస్థాన్ సూపర్-4లో అర్హత సాధించింది. భారత్ సూపర్-4కు అర్హత సాధించాలంటే నేపాల్‌తో మ్యాచ్ చాలా కీలకం. ఈ మ్యాచ్ టీమ్ ఇండియాకు చాలా కీలకం. పల్లెకెలెలో సోమవారం ఉదయం వర్షం కురిసే అవకాశం 60 శాతం వరకు ఉంటుందని వాతావరణ శాఖ నివేదించింది. మ్యాచ్ ప్రారంభానికి ముందే మైదానం తడిసిపోయే అవకాశం ఉంది. టాస్ సమయంలో వర్షం కురిసే అవకాశం 22 శాతం వరకు ఉంది. సాయంత్రం 6 గంటల వరకు ఈ అవకాశం ఉంది. కానీ సాయంత్రం నుంచి వర్షం కురిసే అవకాశం 66 శాతం.. అంటే పాకిస్థాన్‌తో జరిగిన మ్యాచ్‌లానే ఈ మ్యాచ్‌లోనూ రెండో ఇన్నింగ్స్‌లో వర్షం పడే అవకాశం ఎక్కువగా ఉంది. ఇదే జరిగితే వర్షం కారణంగా ఈ మ్యాచ్ కూడా రద్దయ్యే అవకాశం ఉంది.
చదవండి:Kotak Mahindra Bank: ఉదయ్ కోటక్ రాజీనామాతో ఆ స్థానాన్ని భర్తీ చేసేది ఎవరంటే?
ఈ మ్యాచ్‌లో గెలిచి సూపర్-4లోకి ప్రవేశించాలని భారత జట్టు భావిస్తోంది. అయితే, మ్యాచ్ గెలవాలనే టీం ఇండియా ఆశను వర్షం చెడగొట్టవచ్చు. అయితే టీమ్ ఇండియా పెద్దగా ఆందోళన చెందాల్సిన అవసరం లేదు. వర్షం కారణంగా భారత్, నేపాల్ మధ్య మ్యాచ్ రద్దయి, ఇరు జట్లకు ఒక్కో పాయింట్ వస్తే, టీమ్ ఇండియా సూపర్-4కి అర్హత సాధిస్తుంది. ఎందుకంటే ఇలాంటి పరిస్థితుల్లో భారత్‌కు రెండు పాయింట్లు, నేపాల్‌కు ఒక పాయింట్ మాత్రమే ఉంటుంది. తొలి మ్యాచ్‌లో నేపాల్‌ను పాక్ ఓడించింది.
