యూపీలో శ్రీరాముడు కొలువైన అయోధ్య పలు రికార్డులు సృష్టిస్తోంది. గత అక్టోబరులో 35వేల మంది 28 లక్షల దీపాలు వెలిగించి.. రికార్డు సృష్టించగా.. ఈనెల 9న 35 లక్షల మంది భక్తులు ఆలయ ప్రదక్షిణలతో మరో రికార్డు నెలకొల్పారు. రేపు కార్తీక పౌర్ణమి సందర్భంగా మరో రికార్డుకు అయోధ్య సిద్ధమవుతోంది. ఎక్కువ సంఖ్యలో భక్తులు తరలివచ్చి సరయూ నదిలో పుణ్యస్నానాలు చేయనున్నారని అక్కడి అధికారులు భావిస్తున్నారు. ఇందుకోసం భారీగా ఏర్పాట్లు చేశారు.
