Cricket Question In KCB: ఇండియాస్ బిగ్గెస్ట్ గేమింగ్ షో కౌన్ బనేగా కరోడ్‌పతి గురించి ప్రత్యేకంగా పరిచయం చేయాల్సిన పనిలేదు. అమితాబ్ బచ్చన్ హోస్ట్ చేసే ఈ షో చాలా ఫేమస్ . ఈ షోలో పాల్గొన్న చాలా మంది ఇప్పటి వరకు కోటీశ్వరులు అయ్యారు. అందులో క్రికెట్‌కు సంబంధించిన చాలా ఆసక్తికరమైన ప్రశ్న అడిగారు. అది ఆటగాళ్ల విద్యార్హతకు సంబంధించిన ప్రశ్న, ఈ ప్రశ్న ఖరీదు రూ. 12,50,000 లక్షలు. ఈ ఆటగాళ్లలో ఎవరికి ఇంజినీరింగ్ డిగ్రీ లేదని ప్రశ్న అడిగారు. ఆప్షన్లలో అనిల్ కుంబ్లే, ఆర్ అశ్విన్, కృష్ణమాచారి శ్రీకాంత్, రాహుల్ ద్రవిడ్ పేర్లను చేర్చారు.
పైన పేర్కొన్న నలుగురు ఆటగాళ్లలో, ప్రస్తుత భారత ప్రధాన కోచ్ రాహుల్ ద్రవిడ్ మాత్రమే ఇంజనీరింగ్ డిగ్రీ లేని ఏకైక క్రికెటర్. ఇది కాకుండా ముగ్గురు ఆటగాళ్లు అనిల్ కుంబ్లే, ఆర్ అశ్విన్, కృష్ణమాచారి శ్రీకాంత్ ఇంజినీరింగ్ డిగ్రీలు కలిగి ఉన్నారు. మాజీ క్రికెటర్ కృష్ణమాచారి శ్రీకాంత్ ఎలక్ట్రికల్ ఇంజినీరింగ్‌లో డిగ్రీ చేశారు. ఇది కాకుండా అశ్విన్ ఇన్ఫర్మేషన్ అండ్ టెక్నాలజీలో బీటెక్ చేశారు. కాగా అనిల్ కుంబ్లే మెకానికల్ ఇంజినీరింగ్‌లో పట్టా పొందారు.
చదవండి: Shubman Gill Latest Rankings: వన్డే ర్యాంకింగ్స్‌లో మూడో స్థానంలోకి శుభ్‌మాన్ గిల్
A question in KBC for 12,50,000 rs. pic.twitter.com/qYD8P1035c
— Johns. (@CricCrazyJohns) September 6, 2023
మంగళవారం (సెప్టెంబర్ 5), రాబోయే ODI ప్రపంచ కప్ 2023 కోసం 15 మంది సభ్యులతో కూడిన భారత జట్టును ప్రకటించారు. ఇందులో స్టార్ స్పిన్నర్ ఆర్ అశ్విన్ తన స్థానాన్ని సంపాదించడంలో విఫలమయ్యాడు. అంతకుముందు అశ్విన్‌ను కూడా ఆసియా కప్‌కు దూరంగా ఉంచారు. అశ్విన్ టీమ్ ఇండియాకు మెల్లగా దూరమవుతున్నట్లు కనిపిస్తోంది. స్టార్ స్పిన్నర్ ఆర్ అశ్విన్ భారత్ తరఫున మూడు ఫార్మాట్‌లు ఆడతాడు. ప్రస్తుతం టెస్టు బౌలర్లలో అశ్విన్ నంబర్ వన్. ఇప్పటి వరకు 94 టెస్టులు, 113 వన్డేలు, 65 టీ20 ఇంటర్నేషనల్ మ్యాచ్‌లు ఆడాడు. టెస్టుల్లో 23.65 సగటుతో 489 వికెట్లు తీశాడు. ఇది కాకుండా వన్డేల్లో 33.49 సగటుతో 151 వికెట్లు తీశాడు. అంతర్జాతీయ టీ20లో 23.22 సగటుతో 72 వికెట్లు తీశాడు. జూన్ 2010లో అశ్విన్ అంతర్జాతీయ అరంగేట్రం చేశాడు.
చదవండి: Earth Like Planet: గుడ్‌న్యూస్ చెప్పిన శాస్త్రవేత్తలు..భూమిని పోలిన మరో గ్రహం!
