ది డైరీ ఆఫ్ వెస్ట్ బెంగాల్’ సినిమా దర్శకుడు సనోజ్ మిశ్రా కు కోల్‌కతా పోలీసులు (Kolkata Police) సమన్లు జారీ చేశారు. మే 30న విచారణ నిమిత్తం పోలీసుల ఎదుట హాజరు కావాలని ఆదేశించారు. ది కేరళ స్టోరీ (The Kerala Story) మూవీ వివాదం సద్దుమణగక ముందే మరో సినిమాపై ఫైట్ మొదలైంది.ఈసారి అందుకు పశ్చిమ్ బెంగాల్(West Bengal) వేదికైంది. అక్కడి ప్రభుత్వాన్ని లక్ష్యంగా చేసుకొని ‘ది డైరీ ఆఫ్ వెస్ట్ బెంగాల్’(The Diary of West Bengal) ట్రైలర్ రిలీజైంది. ఇది బెంగాల్ ప్రభుత్వ ఆగ్రహానికి దారితీసింది. దాంతో దర్శకుడి (Director)పై చర్యలు ప్రారంభమయ్యాయి. ఆ చిత్రం ద్వారా రాష్ట్రం పరువు తీసేందుకు ప్రయత్నిస్తున్నారంటూ పోలీసులు మిశ్రాకు నోటీసులు జారీ చేశారు. పలు సెక్షన్ల కింద ఎఫ్‌ఐఆర్‌ నమోదు చేశారు. ఈ పరిణామాలపై బీజేపీ (BJP) తీవ్రంగా స్పందించింది. విడుదలైన తర్వాత ‘ది కేరళ స్టోరీ’ చుట్టూ ఉన్న వివాదాలు తగ్గడానికి నిరాకరించాయి. పశ్చిమ బెంగాల్ ప్రభుత్వం ‘విద్వేషం మరియు హింసాత్మక సంఘటనలను నివారించడానికి’ సినిమాను నిషేధించింది. పశ్చిమ బెంగాల్‌లో సినిమాపై నిషేధాన్ని సవాలు చేస్తూ చిత్ర నిర్మాతలు పిటిషన్ దాఖలు చేశారు.
చదవండి : పవన్‌పై పాల్ నిప్పులు.. వారి జెండా మోస్తున్నారని ఫైర్
ఇప్పుడు మమతా బెనర్జీ (Mamata Banerjee) నేతృత్వంలోని ప్రభుత్వం సుప్రీంకోర్టుకు అఫిడవిట్‌లో వివరణ ఇచ్చింది. తారుమారు చేసిన వాస్తవాల ఆధారంగా ‘ది కేరళ స్టోరీ’లో ద్వేషపూరిత ప్రసంగాలు ఉన్నాయని ప్రభుత్వం ఆరోపించింది. ఇక ప్రస్తుతం డైరీ ఆఫ్ వెస్ట్ బెంగాల్ ట్రైలర్‌లో చూపించిన ఘటనలను సీఎం మమత ప్రభుత్వం తీవ్రంగా ఖండిస్తోంది.ది డైరీ ఆఫ్ వెస్ట్ బెంగాల్ చిత్రదర్శకుడు సనోజ్ మిశ్రా (Sanoj Mishra) మాట్లాడుతూ.. ‘రాష్ట్రం పరువుకు భంగం కలిగించాలనేది మా ఉద్దేశం కాదు. ఎంతో పరిశోధన చేసి, మేం వాస్తవాలను మాత్రమే చూపించాం. సినిమా చిత్రీకరణ ఇంకా పూర్తికాలేదు. వచ్చేనెల మేం దీనిని సెన్సార్ బోర్డు(Sensor board)కు సమర్పించే అవకాశం ఉంది’ అని తెలిపారు. జితేంద్ర నారాయణ్ సింగ్ త్యాగి.. ఈ సినిమాకు కథను అందించారు. నిర్మాణ బాధ్యతలు తీసుకున్నారు. ఆయన అసలు పేరు వసీం రిజ్వి(Wasim Rizvi). ఉత్తర్‌ప్రదేశ్‌లోని షియా వక్ఫ్‌ బోర్డుకు గతంలో ఛైర్మన్‌గా పనిచేశారు. 2021 డిసెంబర్‌లో ఆయన హిందూమతంలోకి మారి జితేంద్రగా పేరు మార్చుకున్నారు. పశ్చిమ బెంగాల్‌లో శాంతిభద్రతల సమస్య ఉందన్నారు.వాస్తవాల ఆధారంగా సినిమా తీశాను. ఈ విషయంలో ప్రధాని, హోంమంత్రి జోక్యం చేసుకోవాలని కోరుతున్నాను. పశ్చిమ బెంగాల్‌లో సామూహిక హత్యలు, అత్యాచారాలు, హిందువుల వలసలు చాలా జరుగుతున్నాయి. నేను చేశాను. చాలా పరిశోధనలు జరిగాయి. సినిమా పూర్తిగా వాస్తవాలపై ఆధారపడి ఉంటుందని అన్నారు.
చదవండి : జూన్‌లో 4 జిల్లాల కలెక్టరేట్లు ఓపెనింగ్
