National Girl Child Day 2024 Know what's special theme?
National Girl Child Day 2024: సమాజంలో ఆడపిల్లలు ఇప్పుడిప్పుడే ఎదుగుతున్నారు. అన్ని హక్కులను పొందుతున్నారు. దీనికి కారణం జాతీయ బాలికా దినోత్సవాలు ప్రతి ఏటా జరిపి, ప్రతీ ఒక్కరిలో అవగాహన కల్పించడమే. అందుకే జనవరి 24న జాతీయ బాలికా దినోత్సవాన్ని నిర్వహిస్తారు. విద్య, ఆరోగ్యం, ఆహారంతో పాటు వివక్షలేని సమాజం, వారి హక్కుల గురించి అవగాహన కల్పిస్తారు. ప్రతి ఆడపిల్లకు సమానత్వం, గౌరవం అనేవి వారి హక్కు అని చెప్పడం ద్వారా వారు జీవితంలో ఎదగడానికి తోడ్పడుతుంది. అందుకే కేంద్ర ప్రభుత్వం బేటీ బచావో, బేటీ పఢావో అనే కార్యక్రమాన్ని ఈరోజు నిర్వహిస్తుంది.
చదవండి:National Tourism Day 2024: జాతీయ పర్యాటక దినోత్సవం 2024 నేపథ్యం, థీమ్
జాతీయ బాలికా దినోత్సవాన్ని 2008లో మహిళా, శిశు అభివృద్ధి మంత్రిత్వ శాఖ మొదటి సారి నిర్విహించారు. ప్రతీ సంవత్సరం వార్షిక థీమ్‌ను అనుకొని దాన్ని నెరవేర్చే దిశగా ప్రయాణిస్తుంది. లింగ అసమానత, విద్య పరిమితులు, పాఠశాల డ్రాపౌట్‌లు, ఆరోగ్య సంరక్షణ, బాల్య వివాహాలు వంటి సమస్యలపై పోరాడేందుకు ప్రభుత్వం కృషి చేస్తుంది. 2024 థీమ్ ప్రకటించలేదు. 2019 సంవత్సరంలో ‘ఎంపవరింగ్ గర్ల్స్ ఫర్ ఎ బ్రైటర్ టుమారో’, 2020లో ‘మై వాయిస్, అవర్ కామన్ ఫ్యూచర్’. 2021లో ‘డిజిటల్ జనరేషన్, అవర్ జనరేషన్’ అనే థీమ్స్‌తో ముందుకెళ్లింది. ముఖ్యంగా ఈ దినోత్సవం లక్ష్యాలు మూడు.
1. లింగ సమానత్వాన్ని ప్రోత్సహించడం, ఆడ మగ తేడా లేకుండా అందరికి సమాన హక్కులు కల్పించాలి.
2. బాలికలకు సాధికారత, బాలికలను ఏ విషయంలో వివక్ష చూపరాదు. చదువు, జ్ఙానం సమానంగా అందించాలి.
3. బాలికల హక్కులను పరిరక్షించడం, బాల్య వివాహాలు, పోషకాహార లోపం, లింగ ఆధారిత హింస పెట్టరాదు. ముఖ్యంగా ఈ మూడింటిని దరికి రాకుండా చూస్తే అమ్మాయిలు కూడా అన్ని రంగాల్లో ముందుంటారు.
చదవండి:Nikki Haley: ప్రచారంలో నిక్కీ హీలికి ఎదురైన తుంటరి ప్రశ్న
