Former Trinamool Congress MP Mahua Moitra expelled loksabha
Mahua Moitra : డబ్బు కోసం ప్రశ్నలడిగిన కేసు నుంచి మహువా మొయిత్రాకు ఒకదాని తర్వాత ఒకటి షాక్లు ఎదురవుతున్నాయి. మొదట ఆమె లోక్‌సభ సభ్యత్వం కోల్పోయారు. ఇప్పుడు లోక్‌సభ హౌసింగ్ కమిటీ మహువా మోయిత్రాను ప్రభుత్వ నివాసాన్ని ఖాళీ చేయమని కోరింది. ఇందుకోసం లోక్‌సభ హౌసింగ్ కమిటీ పట్టణాభివృద్ధి మంత్రిత్వ శాఖకు లేఖ రాసి మహువాకు కేటాయించిన ఇంటిని ఖాళీ చేయాలని కోరింది. మహువా మొయిత్రాకు వాస్తవానికి పట్టణాభివృద్ధి మంత్రిత్వ శాఖ ప్రత్యేక కోటా కింద ఇంటిని కేటాయించింది.
చదవండి: CM KCR: యశోద ఆస్పత్రి వద్ద ఉద్రిక్తత.. చేతులెత్తేసిన పోలీసులు
కానీ మహువా మొయిత్రా మాత్రం వెనక్కి తగ్గే ఆలోచనలో లేనట్లు తెలుస్తోంది. బహిష్కరణకు భయపడబోనని, భారతీయ జనతా పార్టీపై ధైర్యంగా పోరాడతానని ఆమె చెప్పారు. ఎథిక్స్ కమిటీ నివేదిక ఆధారంగా తన ఎంపీ సభ్యత్వాన్ని రద్దు చేయడాన్ని మహువా మొయిత్రా సుప్రీంకోర్టులో సవాలు చేశారు. ఉన్నత న్యాయస్థానం అతి త్వరలో మహువా పిటిషన్‌ను విచారించవచ్చని తెలుస్తోంది. తనను బహిష్కరిస్తూ పార్లమెంట్ తీసుకున్న నిర్ణయం చట్టవిరుద్ధమని మహువా తన పిటిషన్‌లో పేర్కొన్నారు.
చదవండి:Cop Dance రీల్స్ చేస్తోన్న యువతితో డ్యాన్స్.. వీడియో వైరల్
ఎంపీ మహువాపై ఆరోపణలేంటి ?
డబ్బు, బహుమతుల కోసం అదానీ గ్రూప్‌పై ప్రశ్నలు అడిగారని మహువా మోయిత్రాపై ఆరోపణలు వచ్చాయి. ఈ ఆరోపణలపై ఎథిక్స్ కమిటీ విచారణ చేపట్టింది. మహువా లంచం తీసుకున్నట్లు హీరానందని చేసిన ప్రకటనల ఆధారంగా కమిటీ తన బహిష్కరణకు దారితీసింది. ప్యానెల్ నివేదికను డిసెంబర్ 8న లోక్‌సభలో సమర్పించగా, అదే రోజు పార్లమెంటులో ఓటింగ్ జరిగింది. చివరకు ఓటు వేసిన తర్వాత మహువా మొయిత్రా సభ్యత్వం రద్దు చేయబడింది. ఇది అప్రజాస్వామిక నిర్ణయమని మహువా మోయిత్రా అన్నారు. 2019 సంవత్సరంలో, పశ్చిమ బెంగాల్‌లోని కృష్ణానగర్ స్థానం నుంచి ఎంపీగా ఎన్నికైన తర్వాత మహువా మొయిత్రా సభకు చేరుకున్నారు. ఎంపీగా ఎన్నిక కాకముందు ఆమె ఎమ్మెల్యేగా ఉన్నారు.
