IndiGo Air Taxis : వచ్చే 2026 నాటికి భారత్ లో ఎయిర్‌ ట్యాక్సీలు అందుబాటులోకి రానున్నాయి. ఇక ట్రాఫిక్‌ చిక్కుల నుంచి బయటపడి వేగంగా గమ్యాలకు చేరుకోవాలని అనుకున్నప్పుడు ఈ ట్యాక్సీలను మనం బుక్‌ చేసుకోవచ్చు. సాధారణ ట్యాక్సీలో ప్రయాణించిన దాని కంటే ఈ ఎయిర్‌ ట్యాక్సీలో(Air Taxi) ప్రయాణించినప్పుడు మరో 500 రూపాయల వరకు అదనంగా ఛార్జ్‌ అవుతుందని సంస్థ తెలిపింది.
చదవండి : తెలంగాణలో భారీగా బీర్ల అమ్మకాలు! ఆల్‌టైం రికార్డ్‌
ఈ ఎయిర్‌ ట్యాక్సీలను తీసుకు వచ్చేందుకు ఇండిగో మాతృ సంస్థ అయిన ఇంటర్‌ గ్లోబ్‌ ఎంటర్‌ప్రైజెస్‌ అమెరికాలోని ‘ఆర్చర్‌ ఏవియేషన్‌’తో ఒప్పందం కుదుర్చుకుంది. ఈ రెండు సంస్థలు భాగస్వామ్యంలో ఎయిర్‌ ట్యాక్సీలు(Air Taxis) భారత గగనంలో సేవలు అందించనున్నాయి. తొలుత వీటిని దిల్లీలో ప్రారంభిస్తారని తెలుస్తోంది. దిల్లీలోని కన్నాట్‌ నుంచి హరియాణాలోని గురుగ్రామ్‌కు కారులో వెళ్లాలంటే గంటన్నర సమయం పడుతుంది. అదే ఈ ఎయిర్‌ ట్యాక్సీ ద్వారా ఏడు నిమిషాల లోపలే చేరుకోవచ్చు. ఈ ప్రయాణానికి రెండు వేల నుంచి మూడు వేల వరకు టికెట్టు ధర ఉంటుంది.
చదవండి : ఆరు జిల్లాల్లో జీరో ఓటింగ్‌.. చరిత్రలో మొదటిసారి!
ఇండిగో(Indigo) మాతృ సంస్థకు అమెరికన్‌ కంపెనీ అయిన ఆర్చర్‌ ఏవియేషన్‌ 200 ఎలక్ట్రిక్‌ వెర్టికల్‌ టేకాఫ్ అండ్‌ ల్యాండింగ్‌ విమానాలను సరఫరా చేయనుంది. అవే రానున్న కాలంలో భారత్‌లో ఎయిర్‌ ట్యాక్సీలుగా తిరగనున్నాయి. ఈ చిన్న విమానాల్లో నలుగురు వరకు ప్రయాణించవచ్చు. హెలీకాఫ్టర్‌ కంటే దీనిలో సెక్యూరిటీ అధికంగా ఉంటుంది. 200 ఎయిర్‌ ట్యాక్సీ(Air Taxi) విమానాల ధర దాదాపుగా బిలియన్‌ డాలర్లట.
