బెంగుళూరు(Bangalore)లో విపక్షాల ఇండియా కూటమి భేటీకి హాజరైన నాయకులకు స్వాగతం తెలిపేందుకు IASలను వినియోగించడంపై కర్నాటక అసెంబ్లీలో BJP చేపట్టిన నిరసన ఆ పార్టీ ఎమ్మెల్యేల సస్పెన్షన్‌కు దారితీసింది. బుధవారం ఉదయం అసెంబ్లీ సమావేశాలు ప్రారంభంకాగానే IASల వినియోగం అంశంపై చర్చకు BJP ఎమ్మెల్యేలు పట్టుబట్టారు. అయితే స్పీకర్ అందుకు అనుమతించకుండా బిల్లులు ప్రవేశపెట్టేందుకు అనుమతించారు. దీనిపై సీఎం సిద్ధరామయ్య (CM Siddaramaiah) సమాధానం చెప్పినప్పటికీ వాళ్లు వినలేదు. సభలో ప్రభుత్వానికి వ్యతిరేకంగా పెద్ద ఎత్తున నినాదాలు చేశారు. ఇదిలా ఉంటే.. ఆమోదం పొందిన బిల్లుల కాపీలను చింపి కొందరు భారతీయ జనతా పార్టీ ఎమ్మెల్యేలు డిప్యూటీ స్పీకర్ మీద విసిరారు.
చదవండి : CM KCR : కామారెడ్డి పై కేసీఆర్ కన్ను ..పోటీ చేయడానికి రంగం సిద్దం?
దీనితో బీజేపీకి చెందిన 10 మంది ఎమ్మెల్యేలను సస్పెండ్ చేశారు. బీజేపీ(BJP) కి చెందిన డాక్టర్ సీఎన్ ఆశ్వత్ నారాయణ్, వి.సునీల్ కుమార్, ఆర్.ఆశోక్, అరగ జ్ఞానేంద్ర, వేదవ్యాస్ కామత్, యశ్ పాల్ సువర్ణ, అరవింద్ బెల్లాడ్, దేవరాజ్ మునిరాజ్, ఉమానాథ్ కొట్యాన్, భరత్ శెట్టి అనే పది మంది ఎమ్మెల్యే సస్పెండ్ అయిన జాబితాలో ఉన్నారు. వీరిని మార్షల్స్ (Marshalls)సహాయంతో సభ బయటకు తరలించారు. అనంతరం అసెంబ్లీ ఆవరణలోనే వీరు ఆందోళనకు దిగారు.అంతకు ముందు సభలో తీవ్ర ఆందోళన కొనసాగింది. ఈ గందరగోళం మధ్యే ప్రభుత్వం ఐదు బిల్లును ఆమోదించింది. ప్రభుత్వం ప్రవేశపెట్టిన ఐదు బిల్లులు సభలో ఎలాంటి చర్చ లేకుండానే ఆమోదం పొందాయి. ఈ బిల్లులను ఆమోదించిన వెంటనే సభను మధ్యాహ్నానికి వాయిదా వేయకుండా బడ్జెట్ (Budget) పై చర్చించాలని స్పీకర్ యూటీ ఖాదర్ నిర్ణయించారు. సభా కార్యక్రమాలను డిప్యూటీ స్పీకర్ను ఆదేశించారు. మరో వైపు విపక్ష కూటమి సమావేశానికి ఐఏఎస్ అధికారుల నియామకంపై అసెంబ్లీలో జనతాదళ్(సెక్యులర్) ఎమ్మెల్యేలు కూడ ఆందోళనకు దిగారు.
చదవండి : Breaking news : బంగ్లాదేశ్‌పై భారత్ మహిళల జట్టు ఘన విజయం
