Fresh case against Prajwal Revanna : హసన మాజీ ఎంపీ ప్రజ్వల్ రేవణ్ణపై లైంగిక వేధింపుల కేసుల పరంపర కొనసాగుతోంద. ఇప్పటికే మూడు కేసులో నిందితుడిగా ఉన్న ఆయనపై తాజాగా మరో మహిళ ఫిర్యాదు చేసింది. తన కూతురికి పాఠశాలలో సీటు ఇప్పించాల్సిందిగా ఓ మహిళ ప్రజ్వల్‌ని సాయం అడిగింది. అప్పటి నుంచి ఆయన తన ఫోన్‌ నెంబర్‌ తీసుకుని వీడియో కాల్‌ చేసేవాడని చెప్పింది.
చదవండి : క‌ల్కిలో విజ‌య్ దేవ‌ర‌కొండ, దుల్కర్ సల్మాన్
వీడియో కాల్‌ చేసిన సమయంలో ఆమెను నగ్నంగా మారాల్సిందిగా ఒత్తిడి తెచ్చేవాడు. అలా మారిన తర్వాత మాత్రమే ఆయన సంతృప్తి చెందేవాడని ఆ ఫిర్యాదులో పేర్కొంది. ఈ మేరకు బుధవారం ఆమె సీఐడీ సైబర్‌ క్రైం ఠాణాలో ఫిర్యాదు చేసింది. ఆ ఫుటేజీలను తన ఫోన్‌లో భద్రపరుచుకుని బెదిరించేవాడని తెలిపింది. సోషల్‌ మీడియాలో ఈ వీడియోలను(video leak ) పోస్ట్‌ చేస్తానని భయపెట్టేవాడని పేర్కొంది.
చదవండి : నేటి రాశిఫలాలు(2024 June 27th).. ఈ రాశివారికి అనారోగ్య బాధలు అధికమవుతాయి
అలా తన వీడియోలు పెన్‌డ్రైవ్‌లో సైతం సేవ్‌ చేశాడని సదరు మహిళ ఆందోళన వ్యక్తం చేసింది. ఆ వీడియోలను కిరణ్‌, శరత్‌, మాజీ ఎమ్మెల్యే ప్రీతం గౌడలు(Preetham Gowda ) బయటకు వెళ్లడించారని, వారిపైనా చర్యలు తీసుకోవాలని ఆమె కోరింది. అత్యాచారం, లైంగిక వేధింపుల కేసుల్లో ఇప్పటికే విచారణను ఎదుర్కొంటున్న రేవణ్ణ ఈ కేసుతో మరింత చిక్కుల్లో పడ్డారు. ఈ కేసు దర్యాప్తును మరో ప్రత్యేక బృందానికి అప్పగించారు.
