Covishield Vaccine: వ్యాక్సిన్ తయారీదారు ఆస్ట్రాజెనెకా ఇటీవల బ్రిటిష్ కోర్టులో తన వ్యాక్సిన్ అరుదైన పరిస్థితుల్లో థ్రోంబోసైటోపెనియా సిండ్రోమ్ (TTS)తో థ్రోంబోసిస్ అనే సమస్యను కలిగిస్తుందని అంగీకరించింది. టీటీఎస్ అనేది రక్తం గడ్డకట్టే సమస్య, ఇది గుండెపోటు, బ్రెయిన్ స్ట్రోక్ ప్రమాదాన్ని పెంచుతుంది. వ్యాక్సిన్ వల్ల కలిగే ఇలాంటి దుష్ప్రభావాలు చాలా అరుదు 10 లక్షల మందిలో ఒకరు-ఇద్దరు ప్రమాదంలో ఉండవచ్చని ఆరోగ్య నిపుణులు చెబుతున్నారు.
వ్యాక్సిన్ వల్ల కలిగే దుష్ప్రభావాలను కంపెనీ అంగీకరించిన కొద్ది రోజులకే, భారతదేశంలోని ఒక కుటుంబం కూడా సీరం ఇన్స్టిట్యూట్‌కు వ్యతిరేకంగా కోర్టుకు వెళ్లడానికి సిద్ధమవుతోంది. కారుణ్య అనే మహిళ జూలై 2021లో వ్యాక్సిన్ తీసుకున్న తర్వాత మరణించింది. వ్యాక్సిన్ తీసుకోవడం వల్లే మృతి చెందిందని, దీని కోసం సీరం ఇన్‌స్టిట్యూట్‌పై కోర్టుకు వెళ్లాలని నిర్ణయించుకున్నట్లు కుటుంబ సభ్యులు చెబుతున్నారు.
చదవండి:Amitabh Bachchan: ఇది మహాయుద్ధం.. విజయం ముందు మీరు తలవంచొద్దు!
దేశంలో కోవిషీల్డ్ వ్యాక్సిన్ తయారీలో సీరం ఇన్‌స్టిట్యూట్ కావడం గమనార్హం. బాధితురాలి తండ్రి వేణుగోపాలన్ గోవిందన్ ఇప్పుడు నష్టపరిహారం, తన కుమార్తె మరణంపై దర్యాప్తు చేయడానికి స్వతంత్ర మెడికల్ బోర్డుని నియమించాలని కోరుతూ కోర్టును ఆశ్రయించారు. బ్రిటీష్-స్వీడిష్ సంస్థ ఆస్ట్రాజెనెకా అడ్మిషన్ చాలా ఆలస్యంగా వచ్చిందని, చాలా మంది ప్రాణాలు కోల్పోయారని గోవిందన్ చెప్పారు. నా కూతురు చావుకి వ్యాక్సిన్ కూడా కారణమేనని వేణుగోపాలన్ గోవిందన్ తెలిపారు.
వ్యాక్సిన్ గురించి భయం వద్దు
ఆస్ట్రాజెనెకా దుష్ప్రభావాలను అంగీకరించిన తర్వాత టీకా గురించి ప్రజల్లో భయం ఉంది. అయితే ఈ వ్యాక్సిన్ వల్ల వచ్చే దుష్ప్రభావాలు చాలా అరుదు అని ఆరోగ్య నిపుణులు అంటున్నారు. వ్యాక్సిన్ తీసుకున్న కొద్ది రోజుల్లోనే దాని దుష్ప్రభావాలు కనిపిస్తాయి. దేశంలో చాలా మంది వ్యాక్సిన్ వేసుకుని రెండేళ్ళకు పైగా గడిచిపోయింది. మందులు, వ్యాక్సిన్‌ల దుష్ప్రభావాలు వెంటనే సంభవిస్తాయి. చాలా సమయం గడిచిన తరువాత ప్రజలు భయపడాల్సిన అవసరం లేదు.
చదవండి:Sonakshi Sinha: నిండైన అందంతో కట్టిపడేస్తున్న ముద్దుగుమ్మ
