Birthday celebrations of Madhya Pradesh Congress MLA Babu Jandel with a snake around his neck
MLA Birthday: మాములుగా ఎమ్మెలేలు తమ పుట్టిన రోజు(Birthday) వేడుకలను ఎలా జరుపుకుంటారో అందిరికి తెలిసిందే. ప్రజల నడుమ గజమాలలతో అంగరంగ వైభవంగా జరుపుకుంటారు. అలాంటిది ఒక ఎమ్మెల్యే(MLA) తన బర్త్‌డే వేడుకలను వినుత్నంగా జరుపుకున్నారు. పూల దండలకు బదులు పామును(Snake) మెడలో వేసుకొన్నారు. మధ్యప్రదేశ్‌(Madhya Pradesh)లోని షియోపూర్‌లో ఈ సంఘటన జరిగింది. కాంగ్రెస్ ఎమ్మెల్యే బాబు జండేల్(Babu jandel) శుక్రవారం తన బర్త్‌ డేను విచిత్రంగా జరుపుకున్నారు. ఆయన అభిమానులు ఇచ్చిన పూల దండలను నిరాకరించారు. వాటిని తిరిగి వారికే ఇచ్చేశారు. అనంతరం పాములు ఆడించే వ్యక్తికి చెందిన బుట్టలో ఉన్న పామును తీసుకుని మెడలో వేసుకున్నారు. ఇది చూసి అక్కడున్న వారంతా ఆశ్చర్యపోయారు.
చదవండి:South Central Railway: 4 రోజులు సికింద్రాబాద్‌కు పలు రైల్లు బంద్!
కాగా, తన పుట్టిన రోజును చాలా సింపుల్‌గా జరుపుకుంటానని కాంగ్రెస్ ఎమ్మెల్యే బాబు జండేల్ తెలిపారు. జంతువులు తన స్నేహితుల్లాంటివని చెప్పారు. తన పెరట్లో జాస్మిన్‌ చెట్టు ఉన్నదని, తరచుగా పాములు వస్తుంటాయని అన్నారు. తాను శివ భక్తుడినని అందుకే శివుడి ప్రతిరూపమైన పామును మెడలో వేసుకున్నట్లు మీడియాకు వెల్లడించారు. ఈ వీడియో క్లిప్‌ సోషల్ మీడియాలో వైరల్‌ అయ్యింది.
చదవండి:G20 meetingలో ఆఫ్రికా యూనియన్‌కు శాశ్వత సభ్యత్వం..హర్షం వ్యక్తం చేసిన అధ్యక్షుడు
