Accident : బీహార్‌లో విమానం వంతెన కింద ఇరుక్కుపోయిన వార్త మరువకముందే మరో విచిత్రమైన యాక్సిడెంట్ జరిగింది. ఇప్పుడు భాగల్‌పూర్‌లో రైలు బోగీతో వెళ్తున్న ట్రక్కు రైలింగ్‌ను ఢీకొట్టింది. ఆ తర్వాత బోగీ కింద పడిపోయింది. బోగీ పడిపోవడంతో రోడ్డుపై గందరగోళం నెలకొంది. ఈ ఘటనలో ఎలాంటి ప్రాణనష్టం జరగకపోవడం విశేషం. భాగల్పూర్ రైల్వే యార్డ్ నుండి రైలు బోగీని ట్రక్ ట్రాలీలో ఎక్కించి భాగల్పూర్ జంక్షన్ కాంప్లెక్స్‌కు తీసుకువెళుతున్నారు. ఈ సమయంలో లోహియా వంతెనపై ట్రక్కు బ్రేక్ ఫెయిల్ అయింది.
చదవండి:Devil Movie: రెండో రోజు కలెక్షన్లు ఎంతంటే?
లారీని ఆపేందుకు డ్రైవర్ తీవ్రంగా ప్రయత్నించినా ఫలితం లేకపోయింది. డ్రైవర్ ఎన్ని ప్రయత్నాలు చేసినా లారీని అదుపు చేయలేకపోయారు. లోహియా బ్రిడ్జి రెయిలింగ్ ను ఢీకొట్టడంతో బోగీ ట్రక్కు నుంచి కిందపడింది. ఆదివారం తెల్లవారుజామున ఈ ఘటన జరిగింది. బ్రేక్ ఫెయిల్ అయిన తర్వాత కూడా డ్రైవర్ చాకచక్యంగా వ్యవహరించాడని చెబుతున్నారు. దీంతో పెను ప్రమాదం తప్పింది. భాగల్పూర్ రైల్వే స్టేషన్ లోహియాపుల్ సమీపంలో ఉంది. అక్కడ ఎప్పుడూ పెద్ద సంఖ్యలో జనం ఉంటారు. భాగల్పూర్ జంక్షన్‌లో రైలు రెస్టారెంట్ నిర్మించేందుకు బోగీని తీసుకెళ్తున్నారు. ఘటన అనంతరం లోహియా బ్రిడ్జి స్టేషన్‌చౌక్‌ వైపు నుంచి కూరగాయల మార్కెట్‌లో బారికేడింగ్‌ చేశారు. దీంతో పాటు రైల్వే పోలీసులు, ఆర్పీఎఫ్ ఆర్పీఎఫ్ ఇన్‌స్పెక్టర్, బీహార్ ట్రాఫిక్ పోలీస్ డీఎస్పీ సంఘటనా స్థలానికి చేరుకున్నారు. ఇక్కడ రైల్వేశాఖ నుంచి రెండు క్రేన్‌లను కూడా పిలిపించి బోగీని ఎత్తి స్టేషన్ ఆవరణలోకి తీసుకెళ్లేందుకు వీలుంది.
చదవండి:Andrapradesh : ప్రియురాలి హత్య, యావజ్జీవ శిక్ష.. జైలులో చదివి యూనివర్సిటీలో గోల్డ్ మెడల్ సాధించాడు
ఈ విషయమై మాల్దా డివిజన్‌ డీఆర్‌ఎం వికాస్‌ చౌబే మాట్లాడుతూ.. భాగల్పూర్ రైల్వే స్టేషన్ ఆవరణలో రైలు రెస్టారెంట్ నిర్మించేందుకు బోగీని తీసుకెళ్తున్నట్లు తెలిపారు. ఈ పని ఇచ్చిన ఏజెన్సీ ద్వారా రైల్వే బోగీని యార్డు నుంచి స్టేషన్ ఆవరణలోకి తీసుకువస్తున్నారు. ఆ సమయంలోనే ఈ సంఘటన జరిగింది. ఈ రోడ్డు ప్రమాదంలో బోగీని తొలగించడానికి అధికారులు సహకరిస్తున్నారు.
