Chhattisgarh : ఛత్తీస్‌గఢ్‌లోని బస్తర్(Bastar)లో పెద్ద ప్రమాదం సంభవించింది. ఎన్నికల విధుల(Election Duty) నుంచి తిరిగి వస్తున్న సైనికులతో కూడిన బస్సు రోడ్డు ప్రమాదానికి గురైంది. బస్సు ప్రమాదం(Bus Accident)లో 12 మందికి పైగా సైనికులు గాయపడినట్లు సమాచారం. ఈ ప్రమాదంలో ముగ్గురు జవాన్లకు తీవ్ర గాయాలయ్యాయి. బస్సు ప్రమాదంలో గాయపడిన సైనికులను చికిత్స నిమిత్తం ధీమ్రాపాల్ ఆసుపత్రికి తరలించారు. కమ్యూనిటీ హెల్త్ సెంటర్ తోకపాల్‌లో కొంతమంది సైనికులకు చికిత్స జరుగుతోంది.
చదవండి:Pankaj Tripathi: మీర్జాపూర్ నటుడు పంకజ్ త్రిపాఠి ఇంట్లో విషాదం
బస్తర్ లోక్‌సభ ఎన్నికల్లో(Lok Sabha Elections) ఓటు వేసి 32 మంది సైనికులతో తిరిగి వస్తున్న బస్సు రోడ్డు ప్రమాదానికి గురైనట్లు సమాచారం. దంతేవాడ జిల్లాలోని ఫరస్పాల్ నుండి ఎన్నికల విధుల తర్వాత జగ్దల్పూర్ ప్రధాన కార్యాలయానికి సైనికులు తిరిగి వస్తున్నారని, ఈ సమయంలో కోడెనార్ పోలీస్ స్టేషన్ పరిధిలోని జగ్దల్పూర్ నుండి దంతేవాడకు వెళ్లే ప్రధాన రహదారిపై రాయకోట్ సమీపంలో ఈ ప్రమాదం జరిగిందని స్థానికులు చెబుతున్నారు. సమాచారం మేరకు పశువుల మంద ఎదురుగా వస్తుండగా వాటిని కాపాడే క్రమంలో బస్సు అదుపు తప్పి రోడ్డుపక్కన బోల్తా పడింది. ఈ ప్రమాదంలో గాయపడిన సైనికులందరికీ చికిత్స అందిస్తున్నారు.
చదవండి:Summer Tips: వేసవిలో ప్రయాణాలు చేస్తే.. ఈ జాగ్రత్తలు తప్పనిసరి!
