Supreme Court : ఢిల్లీ-ఎన్‌సీఆర్ ప్రాంతంలో కాలుష్యాన్ని పర్యవేక్షించేందుకు ఏర్పాటైన ఎయిర్ క్వాలిటీ మేనేజ్‌మెంట్ కమిషన్ (సీఏక్యూఎం) నివేదికను పరిశీలిస్తున్న సందర్భంగా సుప్రీంకోర్టు పెద్ద వ్యాఖ్య చేసింది. రాజధానిలో రోజూ ఉత్పత్తి అవుతున్న 11,000 టన్నుల సాలిడ్ వేస్ట్‌లో 3,000 టన్నులు చట్ట ప్రకారం సరిగా ప్రాసెస్ చేయకపోవడం దిగ్భ్రాంతికరమని సుప్రీంకోర్టు సోమవారం వ్యాఖ్యానించింది. ఢిల్లీ నుంచి ఉత్పత్తయ్యే వ్యర్థాలను సక్రమంగా పారవేయకపోవడం తీవ్రమైన సమస్య అని న్యాయమూర్తులు అభయ్ ఎస్ ఓకా, ఉజ్జల్ భుయాన్‌లతో కూడిన ధర్మాసనం తన వ్యాఖ్యల్లో పేర్కొంది.
11 వేల టన్నుల ఘన వ్యర్థాలు
సాలిడ్ వేస్ట్ మేనేజ్‌మెంట్ రూల్స్ 2016 అమల్లోకి వచ్చి ఎనిమిదేళ్లు గడుస్తున్నా ఢిల్లీలో వాటిని పూర్తిగా పాటించకపోవడం విస్మయకరమని సుప్రీంకోర్టు పేర్కొంది. ఢిల్లీ నుంచి రోజుకు సగటున 11,000 టన్నుల ఘన వ్యర్థాలు ఉత్పత్తవుతున్నాయని, అందులో కేవలం 8,000 టన్నులు మాత్రమే పారవేస్తున్నట్లు ఎయిర్ క్వాలిటీ మేనేజ్‌మెంట్ కమిషన్ నివేదికలో స్పష్టమవుతోందని కోర్టు పేర్కొంది.
చదవండి:Anaconda : బెంగళూరు ఎయిర్ పోర్టులో కస్టమర్ బ్యాగులో 10 ఆనకొండలు
మే 10లోగా సమాధానం ఇవ్వాలని ఆదేశాలు
రాజధానిలో ప్రతి రోజూ 3 వేల టన్నుల ఘన వ్యర్థాలను చట్ట ప్రకారం పారవేయడం లేదని స్పష్టమవుతోందని కోర్టు పేర్కొంది. దీంతో పాటు ఢిల్లీ మున్సిపల్ కార్పొరేషన్, న్యూఢిల్లీ మునిసిపల్ కౌన్సిల్ (ఎన్‌డిఎంసి), ఢిల్లీ కంటోన్మెంట్ బోర్డులకు సుప్రీంకోర్టు నోటీసులు జారీ చేసి మే 10లోగా సమాధానం ఇవ్వాలని ఆదేశించింది.
వాయు కాలుష్యాన్ని నియంత్రించాలని డిమాండ్
ఇది కాకుండా, నిబంధనలను అనుసరించడంపై సమావేశాన్ని పిలవాలని ఢిల్లీ మున్సిపల్ కార్పొరేషన్, న్యూఢిల్లీ మున్సిపల్ కౌన్సిల్ , కంటోన్మెంట్ బోర్డు అధికారులను కోర్టు ఆదేశించింది. వాయు కాలుష్యాన్ని నియంత్రించాలని కోరుతూ దాఖలైన పిల్‌పై సుప్రీంకోర్టు ఈ ఆదేశాలు జారీ చేసింది.
చదవండి:Singapore: సింగపూర్లో భారతీయుడికి ఇరవై ఏళ్ల జైలు శిక్ష
