War 2.. NTR double treat?
NTR: ప్రస్తుతం దేవర సినిమా చేస్తున్న యంగ్ టైగర్ ఎన్టీఆర్.. ఇక్కడి నుంచి మ్యాన్ ఆప్ మాసెస్‌గా మారనున్నాడు. కొరటాల శివ తెరకెక్కిస్తున్న దేవర సినిమా పై భారీ అంచనాలున్నాయి. ఈ సినిమా షూటింగ్ దాదాపుగా చివరి దశకు చేరుకుంది. ఓ మూడు పాటలు బ్యాలెన్స్ పెట్టేసి.. ఇదే నెలలో వార్ 2 షూటింగ్‌లో జాయిన్ అవడానికి రెడీ అవుతున్నాడు ఎన్టీఆర్. ట్రిపుల్ ఆర్ సినిమాతో గ్లోబల్ క్రేజ్ సొంతం చేసుకున్న టైగర్.. బాలీవుడ్‌లో చేస్తున్న ఫస్ట్ ప్రాజెక్ట్ వార్2. బ్రహ్మాస్త్ర డైరెక్టర్ అయాన్ ముఖర్జీ తెరకెక్కిస్తున్న ఈ సినిమా ఇండియాస్ బిగ్గెస్ట్ మల్టీస్టారర్‌గా రాబోతోంది. ఇందులో హృతిక్ రోషన్‌తో స్క్రీన్ షేర్ చేసుకోనున్నాడు ఎన్టీఆర్. టైగర్ కోసం పవర్ ఫుల్ క్యారెక్టర్ డిజన్ చేశాడు దర్శకుడు. నెగెటివ్ షేడ్స్ ఉన్న పాత్రలో తారక్ కనిపించనున్నాడు.
చదవండి:Allu Arjun : బర్త్డే బాయ్ బన్నీ ఇంటి దగ్గర ఫ్యాన్స్ హంగామా
అయితే.. లేటెస్ట్ అప్డేట్ ఒకటి సోషల్ మీడియాను షేక్ చేసేలా ఉంది. మామూలుగా ఒక్క ఎన్టీఆర్‌ను తట్టుకోవడమే కష్టం. అది కూడా నెగెటివ్ క్యారెక్టర్ అంటే, థియేటర్లు తగలబడిపోతాయ్. అలాంటిది.. విలన్‌గా డ్యూయెల్ రోల్ అంటే, ఇంకెలా ఉంటుందో ఊహించుకోవచ్చు. వార్ 2 సినిమాలో ఎన్టీఆర్ డ్యూయెల్ రోల్‌లో కనిపించబోతున్నట్టుగా తెలుస్తోంది. ఎన్టీఆర్ రెండు పాత్రల్లో ఒక పాత్ర నెగిటివ్, మరో పాత్ర పాజిటివ్ అని తెలుస్తోంది. వార్ 2 ఇంటర్వెల్‌లోనే ఎన్టీఆర్ రెండో పాత్ర రివీల్ అవుతుందని.. సినిమా మొత్తానికే ఈ సీక్వెన్స్ మెయిన్ హైలైట్‌గా నిలుస్తుందని అంటున్నారు. ఇందులో నిజమెంతో తెలియదు గానీ.. వార్ 2 మాత్రం మామూలుగా ఉండదనే చెప్పాలి. హృతిక్ రోషన్, ఎన్టీఆర్ ఎటాక్‌కు పాన్ ఇండియా బాక్సాఫీస్ దగ్గర కాసుల వర్షం కురవడం గ్యారెంటీ.
చదవండి:Dil Raju: ఫ్యామిలీ స్టార్ ఎఫెక్ట్.. అప్ సెట్‌లో దిల్ రాజు..?
