This Week To Released Movies List Is Here
Movies: ప్రతివారం థియేటర్స్ లో సందడి చేయడానికి, తమ అదృష్టాన్ని పరీక్షించుకోవడానికి చాలా సినిమాలు వస్తూ ఉంటాయి. వాటిలో కొన్ని హిట్ అయితే, కొన్ని ఫట్ మంటాయి. అవి హిట్ అయినా, అవ్వకున్నా కొద్ది రోజులకు ఓటీటీలో అడుగుపెట్టడం కామన్. ప్రస్తుతం ఓటీటీ ప్రపంచమే నడుస్తోంది. చాలా మంది థియేటర్ లో చూడని ప్లాప్ మూవీలను సైతం ఓటీటీలో చూస్తూ ఉంటారు. అందుకే, ఏ వారం ఏ మూవీ ఓటీటీలోకి వస్తుందా అని ఎదురు చూస్తూ ఉంటారు. మరి, ఈ వారం ఏయే సినిమాలు ఓటీటీలో సందడి చేయనున్నాయో ఓసారి చూద్దాం..
ఈ వారం ఎక్కువగా చిన్న సినిమాలే ప్రేక్షకుల ముందుకు వస్తుండటం విశేషం. గతవారం భోళా శంకర్, జైలర్ సినిమాలు ప్రేక్షకుల ముందుకు రాగా, వాటిలో జైలర్ బాగా క్లిక్ అయ్యింది. భోళా బోల్తా పడిపోయింది. మరి ఈ వారం అదృష్టం పరీక్షించుకుంటున్న సినిమాల వివరాల్లోకి వెళితే..
1.మిస్టర్ ప్రెగ్నంట్..
బిగ్ బాస్ సోహెల్ హీరోగా తెరకెక్కుతున్న సినిమా ఇది. రూపా కొడువయూర్‌ హీరోయిన్ గా నటిస్తోంది. శ్రీనివాస్‌ వింజనం పాటి ఈ చిత్రాన్ని తెరకెక్కించారు. అప్పిరెడ్డి, రవిరెడ్డి సజ్జల నిర్మాతలుగా వ్యవహరించారు. సుహాసిని, అలీ, బ్రహ్మాజీ సహా పలువురు కీలక పాత్రల్లో నటించారు. ఈ సినిమా ఆగస్టు 18న విడుదల కానుంది. కొత్త కాన్సెప్ట్ తో ఈ సినిమాని తెరకెక్కిస్తున్నారు. ఇటీవల ట్రైలర్ విడుదల చేయగా, ఆకట్టుకుంది.
2.ప్రేమ్ కుమార్..
సంతోష్ శోభన్ మంచి హిట్టు కోసం ఎప్పటి నుంచో ఎదురుచూస్తున్నాడు. తనకు చేతికి వచ్చిన ప్రతి సినిమాని చేస్తూనే ఉన్నాడు. అదృష్టం మాత్రం వరించడం లేదనే చెప్పాలి. హీరోగా వస్తున్న మరో ఆసక్తికర చిత్రం ప్రేమ్ కుమార్. రాశీ సింగ్‌, రుచిత సాధినేని హీరోయిన్లుగా నటిస్తున్నారు. సారంగ ఎంటర్‌టైన్‌మెంట్స్‌ బ్యానర్ లో శివ ప్రసాద్‌ పన్నీరు ఈ చిత్రాన్ని రూపొందిస్తున్నారు. ఆగస్టు 18వ తేదీన ప్రేక్షకుల ముందుకు రానుంది. పూర్తి స్థాయిలో కామెడీ చిత్రంగా సినిమా రూపొందుతోంది.
3.జిలేబి..
తెలుగులో పలు చిత్రాలతో మెప్పించిన దర్శకుడు కె.విజయ భాస్కర్‌ తనయుడు కమల్‌ను హీరోగా పరిచయం చేస్తూ ‘జిలేబి’ సినిమా తెరకెక్కింది. శివానీ హీరోయిన్ గా నటిస్తున్న మూవీలో రాజేంద్ర ప్రసాద్‌ కీలక పాత్రలో కనిపిస్తారు. గుంటూరు రామకృష్ణ నిర్మాతగా వ్యవహరిస్తున్నారు. ఈ చిత్రం 18న ప్రేక్షకుల ముందుకు రానుంది.
4.డీడీ రిటర్న్స్..
తమిళ యాక్టర్ సంతానం నటించిన హారర్‌, కామెడీ చిత్రం ‘డీడీ రిటర్న్స్ భూతాల బంగ్లా’.ఇప్పటికే తమిళ నాట రిలీజై మంచి టాక్ తెచ్చుకున్న ఈ చిత్రం ఆగష్టు 18న తెలుగు ప్రేక్షకుల ముందుకు రానుంది.
