ప్రస్తుతం దర్శక ధీరుడు రాజమౌళి అంటే.. ఓ హై ఓల్టేజ్ బ్రాండ్. జక్కన్న ఏం చేసినా, ఎక్కడికెళ్లినా.. ఏం మాట్లడినా క్షణాల్లో వైరల్ అవుతుంది. రాజమౌళి గురించి నిత్యం సోషల్ మీడియాలో సెర్చింగ్ జరుగుతునే ఉంటుంది. ముఖ్యంగా మహేష్ బాబు సినిమా అప్డేట్ కోసం ఈగర్‌గా వెయిట్ చేస్తున్నారు. ఏ చిన్న అప్డేట్ వచ్చిన సరే మహేష్ ఫ్యాన్స్ రచ్చ రచ్చ చేస్తున్నారు. ఇక బ్యాక్ టు బ్యాక్ మహేష్ సినిమాల న్యూస్‌తో సోషల్ మీడియా షేక్ అయిపోతోంది. త్రివిక్రమ్ శ్రీనివాస్ దర్శకత్వంలో తెరకెక్కుతున్న ఎస్ఎస్ఎంబీ28 మూవీ అలా సెట్స్ పైకి వెళ్లిందో లేదో.. SSMB28 ఆరంభం అంటూ ట్విట్టర్‌లో ట్రెండింగ్ అయింది. ఫస్ట్ డే షూటింగ్‌కు సంబంధించిన మేకింగ్ వీడియో మరింత వైరల్ అయింది.
ఇక నెక్ట్స్ డే రాజమౌళి సినిమా నుంచి బిగ్ అప్డేట్ వచ్చింది. టొరంటో ఫిలిం ఫెస్టివల్లో భాగంగా మహేష్‌తో ‘గోబ్ ట్రాటింగ్ యాక్షన్ అడ్వెంచర్’ మూవీ చేయబోతున్నట్టు వెల్లడించారు రాజమౌళి. ఇక ఈ ఒక్క చిన్న అప్డేట్ రాకతో.. SSMB29 హాష్ ట్యాగ్‌తో సోషల్ మీడియా మొత్తం షేక్ అయిపోయింది. అంతేకాదు ఈ సినిమా ఇలా ఉంటుంది.. అలా ఉంటుందని.. ఓ రేంజ్‌లో చర్చ జరుగుతోంది. అయితే ఒక్క అప్డేట్‌కే సోషల్ మీడియా హోరెత్తిపోతే.. ఇక మున్ముందు ఇంకెలా ఉంటుందో ఊహించుకోవచ్చు. ఇకపోతే త్రివిక్రమ్, మహేష్ సినిమా వచ్చే సమ్మర్‌లో రిలీజ్ అవనుండగా.. అదే సమయంలో రాజమౌళి సినిమా సెట్స్ పైకి వెళ్లనుంది. ఏదేమైనా గత రెండు, మూడు రోజులుగా మహేష్ ఫ్యాన్స్ తెగ సందడి చేస్తున్నారు
