టాలీవుడ్(Tollywood) యంగ్ అండ్ డైనమిక్ హీరో సిద్దూ జొన్నలగడ్డ (siddu jonnalagadda) హీరోగా చేసిన డీజే టిల్లు (DJ Tillu) అద్భుత విజయం సాధించిన సంగతి తెలిసిందే. ఏడాది క్రితం వచ్చిన ఆ సినిమాను యూత్ ఇంకా మర్చిపోలేదు. ఈ సినిమా బాక్సాఫీస్ వద్ద భారీ వసూళ్లను కూడా సాధించింది. ప్రస్తుతం ఆ సినిమాకు సీక్వెల్‌గా ‘టిల్లు స్క్వైర్’ మూవీ (Tillu Square Movie) రూపొందుతోంది. ఈ సినిమాను నాగవంశీ, సాయిసౌజన్యలు నిర్మిస్తున్నారు. మల్లిక్ రామ్ దర్శకత్వం (Director Mallik Ram) వహిస్తున్న ఈ సినిమాపై భారీ అంచనాలు ఉన్నాయి.
‘టిల్లు స్క్వైర్’ నుంచి విడుదలైన సాంగ్:
తాజాగా టిల్లు స్క్వైర్ సినిమా(Tillu Square Movie) నుంచి మేకర్స్ ఫుల్ సాంగ్‌ను రిలీజ్ (Full song Release) చేశారు. ‘టిక్కెట్టే కొనకుండా..’అనే ఫుల్ సాంగ్‌ను విడుదల చేశారు. ”టిక్కెట్టే కొనకుండా లాటరీ కొట్టిన సిన్నోడా..సిట్టి నీది సినుగుతుందేమో సూడర బుల్లోడా” అంటూ సాగే ఈ పాట అందర్నీ ఆకట్టుకుంటోంది. రామ్ మిర్యాల (Ram Miryala) సంగీతం అందిస్తున్నారు. ఆయనే స్వయంగా ఆలపించిన ఈ పాటకు కాసర్ల శ్యామ్ (Kasarla syam) సాహిత్యం అందించారు.
చదవండి: Rajanikanth:’జైలర్’ వస్తున్నాడు..చరిత్రలో తొలిసారి ఒకే టైటిల్‌తో రెండు సినిమాలు
ఈ మూవీలో సిద్దూ జొన్నలగడ్డ(siddu jonnalagadda)కు జోడీగా అనుపమ పరమేశ్వరన్ (Anupama parameswaran) నటిస్తోంది. ఈ సీక్వెల్ మూవీపై యూత్‌లో ఓ రేంజ్‌లో అంచనాలు నెలకొని ఉన్నాయి. ఇందులో రొమాన్స్ కాస్త ఎక్కువగానే ఉంటుందని ఫిల్మ్ వర్గాల సమాచారం. సిద్దూ ఈ సినిమాలో రాసిన కొన్ని డైలాగ్స్ యూత్‌కు కనెక్ట్ అవుతాయని, సినిమా కొత్త లోకంలోకి అందర్నీ తీసుకెళ్తుందని సినీ వర్గాలు చెబుతున్నాయి. త్వరలోనే ఈ మూవీ విడుదల కానుంది.
చదవండి: Samantha: సమంత పార్టీ అంటే ఇలా ఉంటుందా..?
