డిసెంబర్‌ 22న బాక్సాఫీస్ పై దండయాత్ర చేయడానికి వచ్చేస్తోంది డైనోసర్. బాహుబలి తర్వాత మూడు ఫ్లాపులు చూసిన ప్రభాస్.. సలార్‌తో తన ఆకలి తీర్చుకోవడానికి వస్తున్నాడు. ప్రశాంత్ నీల్ ఈ సినిమా పై ఎంత కాన్ఫిడెంట్‌గా ఉన్నాడంటే.. ఏకంగా షారుఖ్ ఖాన్ నటించిన డంకీ సినిమాకు పోటీగా రిలీజ్ చేస్తున్నాడు. ఈ లెక్కన సలార్ ఎలా ఉండబోతుందో అర్థం చేసుకోవచ్చు. ఇప్పటికే రిలీజ్ అయిన టీజర్.. ప్రభాస్ ఫేస్ కనిపించకుండానే సెన్సేషన్ క్రియేట్ చేసింది. ఇక అక్టోబర్ 23న ప్రభాస్ బర్త్ డే గిఫ్ట్‌గా రానున్న అప్డేట్ అదిరిపోయేలా ఉండబోతోందని తెలుస్తోంది.
చదవండి: RaviTeja: రవితేజపై మండిపడుతున్న యష్ ఫ్యాన్స్!
ఖచ్చితంగా సలార్ ట్రైలర్ లేదా పవర్ ఫుల్ ఫస్ట్ సింగిల్ బయటికొచ్చే ఛాన్స్ ఉంది. ఇదిలా ఉంటే.. సలార్ సినిమా నుంచి లీక్‌లు కొత్త కాదు. తాజాగా సలార్ నుంచి ఓ సాలిడ్ ఫైట్ లీక్ అయిందనే న్యూస్ సోషల్ మీడియాలో వైరల్‌గా మారింది. అసలు ఈ మధ్య సలార్ నుంచి ఎలాంటి లీకులు రాలేదు. కానీ సలార్ నుంచి ఓ ఫైట్ సీన్ లీక్ అయ్యింది.. ఎవరికైనా కావాలి అంటే మెసేజ్ చెయ్యండి.. అంటూ ఓ పోస్ట్ సోషల్ మీడియాలో హల్చల్ చేసింది.
చదవండి: Pawan Kalyan: 27 ఏళ్ల పవనిజం.. ఫ్యాన్స్ ఫుల్ ఖుషి!
ఇది కాస్త సలార్ టీమ్ కంట్లో పడింది. దీంతో దిమ్మతిరిగిపోయే రిప్లై ఇచ్చారు. ఫైట్ లీక్ అనే ట్వీట్‌ పెట్టిన వారికి.. తమకి కూడా ఆ లీక్ అయ్యిన ఫైట్ ని డిఎం చెయ్యండి అంటూ రిప్లై ఇచ్చారు. ఈ లెక్కన సలార్ నుంచి ఎలాంటి లీక్ రాలేదని క్లారిటీ ఇచ్చారు సలార్ మేకర్స్. ఏదేమైనా సలార్ ఫైట్ లీక్ అయి ఉంటే.. ఈపాటికే సోషల్ మీడియా షేక్ అయి ఉండేది.. కానీ మేకర్స్ రిప్లై మాత్రం మంచి వైరల్‌గా మారింది.
