బాహుబలి తర్వాత ప్రభాస్ కటౌట్‌ని మిస్ యూజ్ చేసినట్టుగా ప్రశాంత్ నీల్ చేయలేదు. ప్రభాస్ కటౌట్‌ను ఎలా వాడుకోవాలో.. అంత పర్ఫెక్ట్‌గా వాడుకున్నాడు. ఎట్టకేలకు డిసెంబర్ 22న సలార్ పార్ట్ 1 సీజ్ ఫైర్ భారీ ఎత్తున ఆడియెన్స్ ముందుకొచ్చింది. మిడ్ నైట్ ఒంటి గంట నుంచే సలార్ షోస్ స్టార్ట్ అయిపోయాయి. ఫస్ట్ షో నుంచే సలార్‌కు పాజిటివ్ టాక్ రావడంతో ప్రభాస్ ఫ్యాన్స్ పండగ చేసుకున్నారు. ఇప్పటివరకు ఏ దర్శకుడు కూడా ఈ రేంజులో ప్రభాస్‌ను ప్రెజెంట్ చేయలేదు. బాహుబలి తర్వాత వరుసగా మూడు ఫ్లాప్స్ అందుకున్న ప్రభాస్.. సలార్‌తో సాలిడ్ బౌన్స్ అయ్యాడు.
చదవండి: Leo: ఆ విషయంలో రికార్డు సృష్టించిన విజయ్ లియో..!
ఇక ఈ సినిమాను ప్రశాంత్ నీల్ రెండు భాగాలుగా తెరకెక్కిస్తున్నాడు. ఫస్ట్ పార్ట్ సలార్ సీజ్ ఫైర్ పేరుతో థియేటర్లోకి వచ్చింది. అయితే పార్ట్2 కోసం పార్ట్ 1 ఎండింగ్ మిస్ అవ్వకండి అని.. ఇంటర్య్వూల్లో చెప్పుకొచ్చాడు ప్రశాంత్ నీల్. అందుకు తగ్గట్లుగానే క్లైమాక్స్‌లో పార్ట్ టైటిల్ రివీల్ చేశాడు. సెకండ్ పార్ట్‌కు ‘శౌర్యాంగ పర్వం’ అనే టైటిల్ ఫిక్స్ చేశాడు. ఈ సీక్వెల్‌లో దేవారథ, వరదరాజ మన్నార్‌ మధ్య ఉన్న స్నేహం వైరంగా ఎలా మారింది? ఖాన్సార్ కుర్చీలో ఎవరు కూర్చుకుంటారు? అనే పాయింట్‌లో శౌర్యాంగ పర్వం సినిమా ఉండే ఛాన్స్ ఉంది.
చదవండి: Dunki, సలార్ ఓటీటీ పార్ట్‌నర్స్ ఫిక్స్!
అయితే.. సెకండ్ పార్ట్ ఎప్పుడుంటుంది? ఎప్పుడు రిలీజ్ అవుతుంది? అనే విషయాల్లో మాత్రం క్లారిటీ ఇవ్వలేదు. సలార్ ప్రమోషన్స్ ఇంటర్య్వూలో సలార్ 2 ఎప్పుడుంటుందో చెప్పలేనని చెప్పాడు ప్రశాంత్ నీల్. అయితే.. ఇప్పటికే ఎన్టీఆర్‌తో ఓ సినిమా కమిట్ అయ్యాడు నీల్. కాబట్టి.. ఎన్టీఆర్ సినిమా తర్వాత సలార్ ఉంటుందా? లేదంటే ముందే ఉంటుందా? అనేది చూడాలి.
