Ram Charan Upasana on Forbes cover page
టాలీవుడ్ స్టార్ హీరో రాంచరణ్(ram charan) ఇమేజ్ రోజురోజుకు పెరుగుతుంది. ఆర్ఆర్ఆర్ సినిమా సక్సెస్ తర్వాత ఈ హీరోకు ప్రపంచవ్యాప్తంగా క్రేజ్ పెరిగిపోయింది. ఈ నేపథ్యంలోనే తాజాగా రాంచరణ్ మరో అరుదైన ఘనతను దక్కించుకున్నారు. తన భార్య ఉపాసన(Upasana)తో కలిసి ఫోర్బ్స్ మ్యాగజైన్ కవర్ పేజీ(Forbes cover page)పై ఫోటో ప్రచురణ కావడంతో అరుదైన గౌరవాన్ని సంపాదించుకున్నారు. ఈ ప్రత్యేక సంచికలో వారి పరిచయం, ప్రేమ, వివాహం, వ్యాపారాలు సహా పరస్పర అవగాహనతో వారి జీవితంలోని వివిధ అంశాలను ప్రస్తావించింది. ఆ ఫోటోలో రాం చరణ్, ఉపాసన గులాబీ రంగు దుస్తులు ధరించి తెల్లటి సోఫా దగ్గర ఇచ్చిన ఫోజులు ఆకట్టుకుంటున్నాయి. చెర్రీ అతని చేయి ప్రేమగా తన భార్యపై ఉంచడం చిత్రంలో చూడవచ్చు. ఇది తెలిసిన చెర్రీ ఫ్యాన్స్ ఫుల్ ఖుషీ అవుతున్నారు. అంతేకాదు ఈ చిత్రాన్ని సోషల్ మీడియాలో తెగ షేర్ చేస్తున్నారు.
Forbes magazine recent edition features @AlwaysRamCharan & @upasanakonidela 🩷#ManOfMassesRamCharan #RamCharan #GameChanger pic.twitter.com/QI5NFMOdIN
— Trends RamCharan ™ (@TweetRamCharan) December 22, 2023
ఇక రాం చరణ్(ram charan) సినిమాల విషయానికి వస్తే ప్రస్తుతం శంకర్ దర్శకత్వంలో కియారా అద్వానీ కథానాయికగా నటిస్తున్న ‘గేమ్ ఛేంజర్’ మూవీ యాక్ట్ చేస్తున్నారు. ఈ సినిమా ప్రస్తుతం షూటింగ్ దశలో కొనసాగుతుంది. వచ్చే ఏడాది మధ్యలో ఈ సినిమాను విడుదల చేయడానికి ప్లాన్ చేస్తున్నారు. భారీ బడ్జెట్‌తో వస్తున్న ఈ చిత్రాన్ని ప్రముఖ నిర్మాత దిల్ రాజు నిర్మిస్తున్నారు. ఈ జంట ఇటీవల వారి మొదటి సంతానం క్లిన్ కారా ఆరు నెలల పుట్టినరోజు వేడుకలను ఆలయ సందర్శనతో జరుపుకున్నారు. సంతోషకరమైన వేడుకలు జరుపుకున్నప్పటికీ ఈ జంట వారి యువరాణి ముఖాన్ని రహస్యంగానే ఉంచారు.
ఇది కూడా చూడండి:Salaar బ్లాక్ బ్లస్టర్ హిట్, డార్లింగ్‌కు చిరు కంగ్రాట్స్
