'Pushpa 2' second song moment fixed.. Promo is over!
Pushpa 2: పుష్ప.. పుష్ప సాంగ్ తర్వాత సెకండ్ సింగిల్‌గా సూపర్ కపుల్ సాంగ్‌ను రిలీజ్ చేయడానికి రెడీ అయ్యారు పుష్ప2 మేకర్స్. తాజాగా సెకండ్ సాంగ్ ప్రోమో రిలీజ్ చేయగా.. సోషల్ మీడియాలో మోత మోగిపోయేలా ఉంది. పుష్పరాజ్, శ్రీవల్లి పై దేవిశ్రీ కంపోజ్ చేసిన ఈ పాట మరో చార్ట్ బస్టర్‌గా నిలిచేలా ఉంది. పుష్ప పార్ట్ 1లో సామి సామి సాంగ్‌కు మించి ఉండేలా ఉంది. రష్మికపై ఓ చిన్న బైట్ వీడియోతో ‘సూసేకి’ అంటూ ప్రోమో రిలీజ్ చేస్తూ.. మే 29న ఉదయం 11 గంటల 7 నిమిషాలకి ఈ సాంగ్ రిలీజ్ చేస్తున్నట్టుగా అనౌన్స్ చేశారు. మొత్తం ఆరు భాషల్లో ఈ పాటను రిలీజ్ చేస్తున్నట్టుగా కన్ఫమ్ చేశారు. ఈ సాంగ్‌లో రష్మిక మందన్నా, అల్లు అర్జున్ మరోసారి స్టెప్పులతో ఆదరగొట్టబోతున్నట్టే ఉంది.
చదవండి:Anirudh: థమన్ ఆకట్టుకోలేకపోయాడు.. కనీసం అనిరుధ్ అయినా..?
పుష్పరాజ్, శ్రీవల్లి కెమిస్ట్రీని మరింత హైలెట్ చేసేలా ఈ పాట ఉంటుందని సమాచారం. ఈ సాంగ్‌ను శ్రేయ ఘోషల్ పాడారు. చూస్తుంటే ఈ పాట మంచి మెలోడీ బ్లాక్ బస్టర్ అయ్యేలా ఉంది. దీంతో.. ప్రస్తుతం బన్నీ ఫ్యాన్స్‌తో పాటు రష్మిక అభిమానులు ఈ సాంగ్ కోసం వెయిట్ చేస్తున్నారు. ఇక ఈ మోస్ట్ అవైటేడ్ పాన్ ఇండియా చిత్రాన్ని సుకుమార్ ఎక్కడా కాంప్రమైజ్ అవకుండా తెరకెక్కిస్తున్నాడు. మైత్రి మూవీ మేకర్స్ వారు భారీ బడ్జెట్‌తో నిర్మిస్తున్నారు. ప్రస్తుతం షూటింగ్ శరవేగంగా జరుపుకుంటున్న పుష్ప2 సినిమాను.. ఆగస్ట్ 15న పాన్ ఇండియా భాషల్లో భారీ స్థాయిలో విడుదల చేయడానికి ప్లాన్ చేస్తున్నారు. మరి భారీ అంచనాలున్న పుష్ప2.. బాక్సాఫీస్ దగ్గర ఎలాంటి రిజల్ట్ అందుకుంటుందో చూడాలి.
చదవండి:Priyanka Chopra: వామ్మో.. ప్రియాంక చోప్రా ధరించిన నెక్లెస్ ధర అన్ని కోట్లా?
