బాహుబలి తర్వాత ఇండియన్ బాక్సాఫీస్ దగ్గర సరికొత్త రికార్డులను రాస్తున్నాడు పాన్ ఇండియా స్టార్ ప్రభాస్. ఈజీగా వందల కోట్ల కలెక్షన్స్‌ను కొల్లగొడుతున్నాడు. రీసెంట్‌గా వచ్చిన ఆదిపురుష్ సినిమాతో 500 కోట్ల క్లబ్‌కు చేరువలో ఉన్నాడు ప్రభాస్. అదికూడా మిక్స్డ్ టాక్ వచ్చిన సినిమాతో ఈ రేంజ్ వసూళ్లు అంటే.. మామూలు విషయం కాదు. ఈ లెక్కన వరల్డ్ వైడ్‌గా ప్రభాస్ క్రేజ్ ఎలా ఉందో అర్థం చేసుకోవచ్చు. ఇక ఈ సినిమా తర్వాత ప్రభాస్ నుంచి భారీ పాన్ ఇండియా ప్రాజెక్ట్స్ రాబోతున్నాయి. ముందుగా సెప్టెంబర్ 28న సలార్ ఆడియెన్స్ ముందుకి రాబోతోంది. ప్రశాంత్ నీల్ తెరకెక్కిస్తున్న ఈ హై ఓల్టేజ్ ఎంటర్టైనర్ పై భారీ అంచనాలున్నాయి.
చదవండి: Rakul preeth singh: ఎట్టకేలకు.. రకుల్‌ గ్లామర్ షో చూసి స్టార్ హీరో ఛాన్స్!?
ఇక ఈ సినిమా తర్వాత పాన్ వరల్డ్ రేంజ్‌లో ప్రాజెక్ట్ కె రాబోతోంది. వైజయంతీ బ్యానర్ పై యంగ్ డైరెక్టర్ నాగ్ అశ్విన్ ‘ప్రాజెక్ట్ కె’ని భారీ స్థాయిలో తెరకెక్కిస్తున్నాడు. దాదాపు 600 కోట్ల బడ్జెట్‌తో ఈ సినిమాను విజువల్ వండర్‌గా రూపొందిస్తున్నారు. తాజాగా ఈ సినిమాపై సీనియర్ దర్శక, నిర్మాత తమ్మారెడ్డి భరద్వాజ చేసిన కామెంట్స్ అంచనాలను భారీగా పెంచేశాయి. సాధారణంగా హాలీవుడ్ చిత్రాలు 20 వేల కోట్ల నుంచి 30 వేల కోట్ల వరకు వరల్డ్ వైడ్‌గా వసూళ్లు రాబడతాయి. మన తెలుగు సినిమాకి కూడా ఆ స్థాయిని అందుకునే సత్తా ఉందని తమ్మారెడ్డి అన్నారు.
చదవండి: Naga Shaurya: అమ్మాయిలదే తప్పు.. నాగ శౌర్య కామెంట్స్ వైరల్
ఇటీవల రెండు సార్లు తాను ప్రాజెక్ట్ K సెట్స్‌కి వెళ్లానని.. వాళ్లు సినిమా తీస్తున్న విధానం బాగుందని, ఈ సినిమా గ్లోబల్ స్థాయిలో టాప్-50 సినిమాల్లో ఒక‌టిగా నిలుస్తుందని అన్నారు. కరెక్ట్‌గా ప్రమోట్ చేస్తే తొలి రోజు 500 నుంచి 600 కోట్లు వసూలు చేసే అవకాశం ఉందని, అది వైజయంతీ మూవీస్ ప్రమోషన్స్ పై ఆధారపడి ఉంటుందని చెప్పుకొచ్చారు. అలాగే తనకున్న ఉన్న సమాచారం ప్రకారం… 2024 వేసవికి ఈ సినిమా విడుదల అవుతుందని.. తమ్మారెడ్డి భరద్వాజ తెలిపారు. దీంతో ఈ సినిమా సంక్రాంతి నుంచి పోస్ట్ అయిపోయిందనే టాక్ నడుస్తోంది. అందుకే మహేష్ బాబు నటిస్తున్న ‘గుంటూరు కారం’ జనవరి 13 నుంచి 12కి ప్రీ పోన్ అవనుందని అంటున్నారు. ఏదేమైనా ప్రాజెక్ట్ పై అంచనాలు రోజు రోజుకి పెరుగుతునే ఉన్నాయి.
